食神教路：講環保是「原罪」 易變「環保塔利班」？

環保呢個大議題，可以話係全球嘅重大課程，畢竟保育環境，愛護地球係全世界嘅共同目標。環保呢件事，一定要由各自身邊做起，一人出一分力，方法絕對係咁，但問題係好多時有啲矯枉過正嘅環保人士，似乎會被抨擊，更慘被形容為「環保塔利班」，即係走火入魔！近日討論區有個非常火熱嘅Post，有人因為去茶餐廳要求走飲管，但結果飲品仍然插住飲管，就同待應講，話想要另一杯，結果待應轉頭直接將支飲管掉棄，再原杯畀返佢。最後樓主好嬲，同餐廳理論，仲話要投訴，又去茶餐廳嘅社交網體網站留言。不過事後好多網民都話樓主係「環保塔利班」，對人太過苛刻，直情話「如果要咁環保，出街食飯已經好唔環保啦！」其實除咗呢樣嘢，仲有咩其他例子會成為「環保塔利班」呢？

要求外賣徴費

好多環保人士不滿餐廳外賣用大量發泡膠餐具，雖然目前好多餐廳外賣要多收1、2蚊，但佢哋覺得阻嚇力仍然不足；不能杜絕大家叫外賣，唔少人士甚至係去餐聽叫埋嘢之後，自己再己自備嘅膠盒去裝，然後先拎走。（咁點解唔食埋先？）

電費分時段收費

用電當然係環保份子重要嘅一環，不斷要求大家減少用電，仲呼籲電力公司推出分段電費。建議係星期一至六晚上6PM至10PM收電費貴5成；用意希望大家減少用電，至於深夜時間則平啲咁話。

垃圾徵稅

呢樣稅就已經係確實執行，大家日後棄置家居垃圾都要按份量畀錢；環保人士原意希望大家可以減少購買無謂嘢，以免製作太多垃圾；不過其實唔少國家有類似收費，但效果唔明顯，最大受益者係收錢嘅政府。