Yesnews Style
【裝修佬話你知】趕絕蚊蟲阻訓覺！清洗蚊帳技巧大公開
蚊帳係各種蚊蟲嘅死對頭，有咗佢我地無畏蚊蟲嘅滋擾，喺唔需要使用各種蚊香殺蟲劑嘅情況下瞓到安樂覺。
但蚊帳使用時間長咗會發黃，變得陳舊難以清洗，以下裝修佬同大家分享清洗蚊帳嘅技巧。
（文： 呀J）
蚊帳種類
1. 尼龍、滌綸化纖蚊帳
透氣性好，質輕、柔軟、結實耐用、易清洗、防蟲蛀、價格合理。
2. 棉紗蚊帳
透氣性一般、結實耐用、價格實惠，但體積相對較大，且吸水率高，清洗起身較麻煩。
3. 真絲蚊帳
質輕、柔軟、體積細、易清洗、易攜帶，但透氣性較差，價格相對會較貴。
三種蚊帳比較，以尼龍、滌綸等化纖蚊帳最好，但無論係邊種蚊帳，選購時都要注意表面潔淨，色澤新鮮等，兩片帳面花紋對稱，長短一樣，經緯線平直，帳頂同帳縫要穩陣，帳面無甩線、無穿窿、無污斑同焦灼點，且帳長要夠，要根據自家所用睡床大細，選擇蚊帳嘅闊度大細同形式(長方形或圓頂形)。
清洗技巧
首先用清水浸5分鐘，洗去表面灰塵，再放喺裝有溶解咗洗衣粉嘅水度浸15-20分鐘，用手搓揉，留意唔可以用熱水，否則會變形，用清水清洗後，掛喺通風處晾乾。洗淨嘅蚊賬，要用膠袋或布將其疊整齊後包好，單獨存放，唔好同合成纖維蚊賬接觸，否則會降低強度，出現斑漬。
或用100g生薑切片，放喺水度煮三分鐘，然後將蚊帳浸喺剛攤凍嘅姜水中浸3個鐘後，另外可以幾滴純藍墨水，接著用手重壓，最後用洗衣粉清洗乾淨，陳舊發黃嘅蚊帳就會煥然一新。
(以上圖片均來自網路，如有任何版權問題，請與本站聯絡)
消閒資訊由熱新聞提供
原文連結: 裝修佬話你知:清洗蚊帳技巧 (呀J)
更多相關內容
裝修佬
致力於令香港沒有麻煩/爛尾的裝修。為實現這個使命，全體裝修佬成員不斷努力，推動裝修、建材、家居市場的規範化，改變著數千萬家庭的裝修方式和置家理念，為用戶創造卓越的互聯網裝修體驗。
