睇官恩娜、梁詠琪就知 同老外拍拖5大好處

今年34歲的陳法拉與Neway大少薛世恆離婚3年，約滿大台後，放棄搵人仔嘅機會去紐約修讀戲劇碩士課程，傳聞薛少一直想復合，但法拉以專心讀書為由多番婉拒，最近更被傳媒影到已經有一個超靚仔嘅男友，仲係哈佛畢業，曾任法國駐日外交官，講到一口流利普通話。有人話西人花心又鹹濕，點解咁多女星好似梁詠琪、官恩娜等等都會中途轉食「西餐」？唔好講話女生，平凡女子如小編都試過，當你有過老外男友嘅話，你會發現佢哋有以下優點吧！(戴頭盔，當然不能以遍蓋全啦，凡事總有例外啦！)

1.懂浪漫即使拍拖幾耐，得閒無事都會鍚下、攬下、抱下，仲會以超肉麻稱呼相稱，而且佢哋特別著重節日，會為女生製造驚喜，好浪漫！

2.直率有嗰句講個句，為人直率，唔鍾意將感覺收收埋埋，有碗話碗，唔使你估估下；不過你可以話係優點，亦可以係缺點，睇你點睇。

3.婚後專一無可否認，年輕老外可能玩女無數，但婚後佢地會一心一意，亦願意跟老婆平分家務，鮮有大食懶老公。

4.鮮有婆媳糾紛即使女生移居當地，通常都唔會同奶奶一齊住，單係呢一點已經減少好多磨擦。加上婚後，男人眼中最重要嘅人係老婆，媽媽變成第二位，阿媽都睇得好開。

5.超靚混血B最後一點最實際，就係嫁個老外老公，生個超靚混血BB，相信呢個畀女生最好嘅禮物。

相片來源：Fala Chen 陳法拉、Ella Koon 官恩娜、梁詠琪 Gigi Leung Wing Kei