港女講日：著錯泳衣慘過走光 最令男人失望嘅5款泳衣

於第9屆AKB48選拔總選中贏得頭3名嘅指原莉乃、渡邊麻友及松井珠理奈，以水著look登上今期日本雜誌《週刊PlayBoy》封面，內頁亦都刊登第4至第7位嘅宮脇咲良、荻野由佳、須田亞香里、横山由依「新神7」成員嘅水著照，7位少女著住花花bikini，下身襯三角褲、短褲、短裙仔都有，大sell青春活力，唔好話男人大吃冰淇淋，我係女人都忍唔住望兩眼，鬼叫自己冇quali著咩!(哭)

女人對於泳衣好講究，一邊想show off自己身材，又想遮住肥肉，揀來揀去終於揀到件心水，你以為好滿意?可能另一半未必咁諗!一齊研究吓邊5款泳衣男人最唔鍾意:

1. 連身泳衣

都唔駛解釋啦，遮太多喇!

2. 高腰款

近幾年復古風高腰泳衣勁hit，但男女fashion sense好唔同，大部分男人都唔識欣賞，覺得高腰褲似尿片，好老土阿婆先著。

3. 短裙短褲款

好多女仔因為怕醜，或者下身多肥肉，鍾意著條平腳泳褲/短裙，但男人覺得太保守，唔夠自信，略嫌性感度不足咁話。

4. 圍絲巾

同短褲短裙款一樣，太刻意遮住肚腩同pat pat 冇嘢𥄫! 畀男人揀寧願你大大方方，肥咪肥囉，男人視線喺胸嘛!

5. 荷葉邊款

呢款個人覺得好可愛呀，日本妹都好buy，加上對於平胸一族嚟講，可以令胸部更堅凸出。不過男人就覺得荷葉邊太礙眼，遮住事業線。

圖片來源: 《週刊プレイボーイ》