PSVR衛生及保養須知

相信有唔少FANS都已經買左PSVR返屋企，但開心衝動玩完之後又點唔知要點做先之可以令佢保持良好既狀態？其實日本好體貼，係PSVR推出個日已經有唔少周邊產品推出，比你好好保養部PSVR。呢家介紹幾樣周邊，睇下自己有無需要。

PSVR防污面罩 呢個係防面油既面罩，特徵係有伸縮性，可以清洗，有左佢可以防止汗、面油、化妝品既粉添係PSVR上，最適合多人使用既家庭用。賣3000日圓。

用後報告 不過有用家指呢個面罩既結構好似UNDER，每次玩VR似乎要變身做「變態超人」先可以安心。

即用即棄系列PSVR防污貼 呢個同樣係防汗、面油、化妝品既粉添係PSVR既貼，好處係用完即棄，一盒有5塊額頭用，15塊鼻樑用。賣2400日圓。

用後報告 不過有報告指出呢個貼會拆甩PSVR表層結構（即係甩色），所以唔多建議人用。

PSVR Processor Unit用stand

對於家中無咁多空間既人來講，stand好重要，呢個係PSVR Processor Unit用既stand，只有1100日圓。

PSVR收納袋

要將PSVR收回盒內，其實都幾唔方便，不過呢個袋可以會方便你拎出拎入，一個細袋攪掂。不過都幾貴，要6500日圓。

PSVR透明STAND

如果唔想拎出拎入，又無THE ONE果個木製STAND，可以考慮呢個透明STAND，不過都幾貴，要成6000日圓。不過有個STAND加埋一塊防塵布，就非常之好。