馬上行運

初冬之時，又係展望來年嘅好時機，今晚「Paco巨星飯堂」就請嚟著名玄學博士李丞責，率先預言馬年港人、十二生肖運程，教埋大家趨吉避凶催運方法。要馬年行運？並非難事！ 我帶丞責去到位於觀塘嘅「釣魚翁燒鵝．海鮮飯店」，講佢嘅新預言書《馬上行運》，加上有美酒佳餚相伴，有運勢亦有氣勢！ 凡事謹慎 時移勢易，o衣家嘅「一年之計」，唔一定要到春天先開始計劃，如果唔係丞責嘅著作《馬上行運》都唔會火速加印至第六版啦！仲有兩個月就到馬年，我就先請丞責概論香港運勢。 「香港位處東南，屬火，以六十甲子推算嚟睇，唔同嘅生肖年份都有個別屬性，嚟緊嘅馬年、羊年都係屬火，即係同香港一樣。所謂物極必反，你睇四二年、四三年就香港淪陷；○二年、○三年就有沙士肆虐。所以，呢個馬年亦極有可能有病患、大火，較易有官民衝突出現，戰爭氣氛仍然濃厚。 「不過，對外而言，一啲國際性比賽，或者係重要嘅人事編制，同埋有主導性嘅工作，香港仍然手執牛耳。對整個世界嚟講，香港仲係一個可靠嘅『庇護中心』。」 話雖如此，丞責仍然寄語港人要謹慎，尤其喺投資方面，「馬年五行缺水，所以屬水嘅行業（如旅遊業）有機會反彈，病星『二黑』喺東邊，要特別留意中東地區有怪病出現；沙士有機會變種再傳播；腸病、肝病亦有高危出現率。 「從地勢嚟睇，香港係西北方位入水、東南出水，所以喺蛇、馬、羊年會退財，如果明年要炒樓投資，就要花多啲心思，切忌炒賣。財星『六白』喺西邊，有利娛樂圈，至於幸運號碼就首選九、一、四。」 丞責率先披露馬年預言，而且講得認真。 我請丞責擔任嘉賓，佢即場贈我一本《馬上行運》，未到新正頭都夠晒好兆頭！ 明爐至尊脆皮燒鵝（$200半隻/$398一隻），鵝肉腍而不膩。 上湯焗龍蝦（時價），大有捧場客。 砂窩雞煲翅（$568/4位），落足料炮製。 香港運勢之外，我相信唔少人對十二生肖流年運程都大感興趣，有埋丞責解說，通晒！ BB豬有資深師傅即場炮製，皮脆肉嫩。 十二催運 素來有危先有機，我相信只要凡事謹慎，不難逢凶化吉。當然，有丞責嘅專業指引，就令人更加安心。「馬年犯太歲嘅生肖有馬、鼠、牛、兔，如果冇宗教牴觸，不妨喺立春後或者喺年初八當日到廟宇攝太歲，以作化解之用。」 至於十二生肖催運簡法，就請參考下表： 生肖流年催運飾物 鼠沖太歲，但有吉星拱照，對從事美容業者特別有利。牛形飾物 牛「大耗」星影響下，開支大增；逆境之中，仍有鼠形飾物 喜事發生。 虎變化甚多，宜多注意心臟健康，最好多參與義工豬形飾物 活動。 兔雖然犯太歲，但有六大吉星輔助，下半年將有意狗形飾物 想不到之收穫 龍凶星多，宜沉着冷靜，切忌衝動行事，端午過後雞形飾物 更要審慎。 蛇事業運旺，為十二生肖之首，有利更上一層樓。猴形飾物 馬犯太歲影響下，今年處於被動位置；只要隨緣羊形飾物 便平安。 羊吉星拱照，要延續好運至羊年本命年，應於豬形飾物 馬年芒種或端午後到寺廟祈福。 猴吉星「驛馬」、「飛財」助力，在重要關頭蛇形飾物 下更有決斷力。 雞吉星「紅鸞」、「太陰」及「飛財」拱照，龍形飾物 整體強勢；要敢於在需要時向人求助，勿失良機。 狗事業有提升機會，女士要小心愛情有變。虎形飾物 豬有大且急的變化，不妨擇日作遠行，以收減煞、虎形飾物 化煞之效。 籠仔海皇豆腐（$98）清淡健康，飯敍晚上我已encore多一round！ 明爐極品BB豬（$248半隻/$468一隻），即叫即燒，上枱仲熱辣辣！ 即批新人 要睇十二生肖詳情，我都要睇丞責嘅《馬上行運》！今晚我仲請埋「太陽娛樂文化」重點新人盛朗熙（Joy）擔任嘉賓，丞責亦喺席間贈Joy良言。 「Joy屬馬，馬年係佢嘅本命年，代表變化。明年佢全力喺娛圈發展，地位有所提升。從佢命格嚟睇，係適合喺娛樂圈發展。而馬年有吉星『將星』入命，代表一夫當關，即係一腳踢搞掂，連其他煩惱、疑慮都踢走埋。」 哈哈哈！Joy聽過丞責贈言，不忘答謝之外，仲話：「我會努力去為自己嘅事業打拼，希望可以做到一啲成績啦！」 咁我就先賀丞責著作熱賣，再祝Joy同大家好似書名一樣，馬上行運！ 生汁明蝦球（$128），醒胃！ 泰皇醬炒芥蘭（$88）辣得夠惹味。 釣魚翁蒸三寶（$128）有魷魚、白飯魚同蝦乾，撈飯一流！ 我同丞責（中）、Joy（左）傾過馬年大運，梗係要以美酒作結。 聽過丞責指點，Joy話要喺馬年加倍努力。 Joy嘅藝名盛朗熙由金庸親筆所改，已係成功嘅第一步。 下期預告 與羅守耀、李燦森及鄭麗莎等品嘗精緻日本料理。 釣魚翁燒鵝．海鮮飯店 地址：觀塘開源道79號鱷魚恤中心5樓 電話：2389 0386