食神教路：難食到抑鬱？幾種食物愈食愈抑鬱

抑鬱變成社會一種常見情緒病，全球就有一億人患有抑鬱症，而香港更加每100人就有3位患有唔同程度嘅抑鬱症，比例上係全球數字嘅3倍！喺香港，令人抑鬱嘅事真係數之不盡，不過大家好可能忽略咗其中一個致病嘅原因，就係食物。好多人都知，食物可以帶畀人開心、減壓等好嘅作用，辛苦搵來志在食，並非全無道理。相反，長期無好嘢食，或者食好難食嘅食物，令人心中產生唔到滿足及開心感覺，對於本身有抑鬱症潛在風險嘅朋友，係會有好嚴重後果。除咗難食嘅食物之外，大家又知唔知原來以下呢堆食物都會引發抑鬱呢？

辣椒

抑鬱症人士內火極盛，容易躁動，忌食例如辣椒呢類刺激性食物，等如火上加油一樣，因此忌食辣嘢。

酸性高食物

乳酪、汽水、果汁等都係帶酸性極高食物，抑鬱人士切忌減少食用，有害無益。

酒精

抑鬱係咪更加想飲酒？其實酒精唔單止唔可以消愁，仲會影響正常嘅食慾，反而導致無胃口。

咖啡因

所有含咖啡因嘅飲品食品，例如咖啡、奶茶、濃茶等，都會導致有多少失眠問題，刺激患者變化成抑鬱症狀。