食神教路：糖呢就兩茶匙 其實係煮緊乜？

食神教路

「糖呢就兩茶匙，仲有啲橙皮添」可以話係堪比一代金句，唐詩三百首唔識背，但呢兩句一定曉。好喇，聽就聽咗二十幾萬次，實際上究竟呢位師奶係整緊乜嘢菜色？又要橙皮又要落糖。小編今日真大膽假切，幫大家解開呢個千古奇聞啦！

真相應該99%係指「意大利糖漬橙皮」，呢樣係意大利西西里嘅傳統零食，係每個當地小朋友都一定食過嘅零食。而且除咗夠100%天然糖果之外，仲可以避走口中異味，令口氣清新。而呢種小食唔單止意大利，仲開始傳到世界各地，包括中國、台灣、香港等地，不過雖然各地製法略有不同，其實都大致上一樣。製法如下：

Step 1：

先將細鹽放喺成個橙上面細細搓上，可以去除橙皮嘅少許辛辣味道。

Step 2：

將橙用流動水沖洗，再浸泡水中超過2個鐘。期間再換幾次水，令口感更佳。

Step 3：

剝橙皮，再將橙皮切成細絲。然後準備砂糖，比橙皮份量少一半就啱喇。先將糖放入鍋中煮，落水剛剛蓋過就Okay！

Step 4：

煮融砂糖之後，將橙皮放入，用小火慢煮，煮到白糖將橙皮全部包住就可以關火。

Step 5：

最後，準備一碟砂糖，將熱橙皮沾滿全碟，然後等到凍咗之後再放入罐中，就為之大成功。