豉椒炒排骨
豉椒炒排骨,
我鐘意佢夠哂惹味之外,
而且炒出嚟個顏色好鬼靚,
哈哈,
唔食得都睇得嘛!
材料: 排骨$40、三色椒1包、洋蔥1/4個、蒜蓉、豆豉粒、粟粉水 醃料: 豉油1湯匙、鹽半茶匙、糖1茶匙、麻油少許 調味: 蠔油1湯匙、豉油1湯匙、糖1茶匙、2碗水 做法: 排骨洗淨後瀝乾水份,加醃料醃1小時;三色椒去核切件;洋蔥切件;
燒熱油鍋落排骨略煎表面,加調味炆至排骨腍(約30~45分鐘);
燒熱油鑊落蒜蓉、豆豉粒和洋蔥爆香,加入三色椒和排骨(連汁)快炒, 加鑊蓋煮2~3分鐘或至洋蔥和三色椒熟,最後落粟粉水埋茨汁便成。