話時話：離婚率愈來愈高 再婚前要考慮的4大問題

娛樂圈呢期真係喜事一鑼鑼，繼蕭正楠同黃翠如宣布已婚後，尋日周勵淇係IG自爆已經結咗婚，進入人生另一個階段，老公為大陸演員、結過婚並有一子的傅浤鳴；而另一單喜訊係38歲張栢芝宣佈再生第三胎，「小王子」已經滿月了，但就無透露BB爸爸嘅身份，但外間有傳係年近60歲新加坡富豪。

呢個世代，離婚率愈來愈高，而再婚率亦都非常高。究竟點樣知道雙方Ready未？再婚前不如先攪清楚以下呢4點，以免婚姻生活再次觸礁。

離婚了多久？

離婚都係一個重大的決定，一般來說至少要兩至三年或以上去思考沈澱，如果離婚只有一年以內，好可能只係為了填補失婚的空虛，又或當對方係水泡。

離婚後有無改善？

一段婚姻的失敗係雙方的問題，如果一味怪責對方，自己卻從不改進，證明呢個人沒有從上一段婚姻中吸取教訓，而下一段婚姻亦好大機會失敗。

同前夫/前妻的關係

如果對前夫/前妻帶有怨恨，好易影響同新伴侶的關係。但如果與前夫/前妻的關係太好的話，也會令新伴侶不安，怕自己永遠不及對方。

有小朋友嗎？

如果有的話，真係一個相當難的難題。如果小朋友係同你地一齊住，你要愛屋及烏，有無比耐性對照顧一個不屬於自己的小朋友。

相片來源：nk830 @ig, 張栢芝@微博