話時話：網民各有各愛 3種香港女生特質

剛過去嘅一年，樂壇繼續有新火花，尤其女歌手之爭競爭尤其激烈，因為一眾女歌手各有所愛。嗱不過香港人好多時唔係齋聽聲，講嘅係Package，要有性格有樣有觀眾緣先會紅得起。近日討論區就有一個非理性非音樂討論，喺衛蘭、JW、方皓玟之間，邊種女生最得人鍾意？3位喺樂壇各有Fans，但如果講到性格又偏偏各具特質，正好代表咗現今女性，同樣各自有Fans。男仔可以睇下邊種係你理想對象；女仔就可以睇下自己似邊種。

衛蘭
代表：傻大姐、大情大性
衛蘭上年喺樂壇嘅成績可以話突破，好大程度係因為佢終於可以做自己喇！放低咗過往嘅包袱，大家有眼睇衛蘭變番一個大情大性嘅肥妹子，唔理身型唔理形象，最緊要開心，活得有意義，追求自己鍾意嘅嘢，懶理其他人目光，結果反而仲好呀！

方皓玟：
代表：感性、堅持己見
從方皓玟嘅音樂都知佢有幾唔鍾意大眾化路線，性格包拗頸，堅持自己想做嘅事，哪怕無人觀賞或者得唔到世俗認同，別人笑我太瘋癲，我笑他人看不穿。從呢一個混亂、骯髒嘅世界之中找回自己，不偏不倚繼續貫徹個人篤信嘅價值觀，好難得。

JW
代表：樂觀開朗、獨立
感覺畀人「鬼妹仔」性格，JW雖然唱盡一堆慘情歌，但其實非常俏皮，屬於樂觀開心少女呢一類，好似無時停，有時又極為男仔頭，唔會怕同人生保，明顯令人好快就拉近距離。平時非常獨立，但喺男友身邊就小鳥依人，係咪好吸引先？