話時話：旺角行人專區殺街 有網民竟然話覺得可惜？！

話時話

旺角行人專用區正式被「殺街」，一直以嚟喺街上面又唱又跳嘅一眾阿姐阿叔都要正式退場。2000年開始一直飽受區內嘈音污染嘅居民，終於可以鬆一口氣。其實一直以嚟旺角街頭變成私人唱K及舞廳，早已失去行人專用區嘅應有文化，反而變成霸佔地盤，唔少勢孤力弱嘅小眾團體想喺街上表演都不得其門而入。不過有傳言就話，好多大媽經已搵到另一個新地點，有啲會去尖沙咀，有啲去屯門公園等等。但話分兩頭，網上亦有網民惋惜一個地方嘅歷史文化就此消失，有網民話「係難得提供免費娛樂畀升斗小民嘅地方」，仲有人話係「集體回憶」。

其實旺角步行街嘅原意係畀街頭藝人有一個公眾地方進行自己嘅藝術表演，但時至今日發展成舞台一樣，先唔講當中嘅內容是好是壞，但嘈音肯定爆棚，加上大部分擺檔者都係有收利是「打賞」，變成一個合法嘅賺取報酬之地；似乎有失原意，因此政府先決定殺街。大家又點睇？不妨留個言表演一下感受。

討論點：

-殺街終於還市民一條暢通嘅街；還居民寧靜環境

-殺街令香港失去一個市民表演場地，失集體回憶

-旺角大媽將分散至其他地點，睇下邊個區咁唔好彩成為下一個「旺角行人區」

-多得呢班大媽，香港再容納唔到「街頭賣藝」