話時話：恃住自己後生 後輩們最易觸犯前輩的4件事

前晚趙學而係紅館開演唱會，唔少圈中好友都有捧場，好似陳奕迅、袁詠儀、蔡一傑等，而嘉賓就搵來張智霖（Chilam），佢哋兩個合唱經典金曲《現代愛情故事》，而一向直腸直肚的Chilam居然係台上笑說：「你係少數歌手唔會話細個就聽我嘅歌大，班後輩好冇教養，以後唔再做佢哋嘉賓，宜家我哋都咁高咁大，老皮老肉，樂壇人瑞大戰樂壇人乾。」

隨住年紀愈大，接觸到比自己年輕的人的機會愈來愈多，作為前輩對住人生經驗較少的後輩，理應要有耐性，好好指教一番。可惜，有好多乳臭未乾小子成日恃住自己後生，有意無意中得罪咗前輩都唔知，好似以下呢幾個例子大家又認唔認同呢？

姐前姐後

好多後輩都鐘意以「姐」稱呼女性前輩，雖然係可以話係禮貌，但當時人聽到總係有唔順耳的地方，尤其係女性，都係叫返對方英文名好過啦。

「呢D野你唔明架啦」

年輕人眼中有自己的潮流，好似佢地覺得「老人家」先玩Facebook，又或者有D只有年輕人先明白嘅野，有時會直接同前輩講一句「呢D野你唔明架啦」。

「你心理想變回年輕呀？」

有時前輩都可以做一D年輕人的傻事，但有時卻換來一句「你心理想變回年輕呀？」聽到之後，真係會火都嚟。

「我應該未出世」

有時講起某D舊時，好似舊歌舊戲，年輕人好似好威咁話：「我應該未出世」…無言。

相片來源：趙學而 Bondy Chiu @facebook