話時話：得罪人話咁易 禍從Post出的 4個例子

前排阿嬌結婚，好多人話佢無請好姊妹楊丞琳，講完一輪以為事件已經告一段落。點知最近阿嬌係IG到貼咗電影《Lady Bird》一張截圖，當時對白係「因為你只考慮自己，不考慮別人」，阿嬌嘅留言係：「#看到一個我好尊重嘅朋友覺得我冇需要佢我個心好難受 #點解唔可以放低無謂嘅情緒好好地祝福呢 唉…」條文一PO好多網民都話係講緊楊丞琳。

眼見大家諗咁多， 阿嬌都忍囂住解話：「其實呢，我只係想抒發一下自己嘅心情，我呢個朋友其實大家真係唔認識，我已經放低左(咗)啦，我諗大家都應該同我一樣放低，唔好再亂猜測喇！多謝大家咁關心我！」而楊丞琳見此， 亦留言：「新婚要快樂，藝人也是人，想要抒發心情很正常，但是不要被那些好奇寶寶影響了，乖」。

而家呢個世代，多得互聯網， 大家隨時足不出戶都會講錯野得罪人，以下呢4個禍從出Post的例子， 大家又試過未呢？！

錯爆朋友「射波」

小記有好幾次同friend出去玩，Post左幾張相上ig， 跟手tag咗個朋友。點知比佢個老細見到，打咗十幾個電話同十幾個msg黎問佢係咪去咗沙灘，原來佢果日射波嚟搵我……

人地以為話緊佢

好多時你網上講啲模稜兩可嘅內容， 總係有某些朋友自行對號入座，從而以為話緊佢，誤會都出晒嚟。

老細鷹眼

大家都知，網路世界咁大，而PR無孔不入，佢地會用你電話search你個fb、ig比老細睇，睇下老細鍾唔鍾意你為人。所以如果怕公事會煩到自己私人空間的話，記得保障返自己既私隱啦！

尷尬歷史

拍拖無佔有慾？唔係個個都得，例如突然同個新對象撻著火花，點知佢一睇你舊歷史，心諗下你上個禮拜先分手？佢心底裡會諗啲咩無人知，好人好者嘅咪坦白問囉，如果內向的對象分分鐘會誤解你。若要人不知，收得好DD。咁就唔怕有誤會啦！

相片來源：q_gill ＠ig