話時話:山頭文化一出現 作為小小員工3大慘況
![](https://s.yimg.com/ny/api/res/1.2/NcNQICfuAGpt8sw.TFCG2w--/YXBwaWQ9aGlnaGxhbmRlcjt3PTEyNDI7aD02Njk-/https://78.media.tumblr.com/361f7a001ba507436fcb65a73bfed213/tumblr_inline_p303u7F4cI1tna4ac_1280.jpg)
講到今年台慶頒獎禮,因為受到禁奶令影響,應露嘅唔露,無咩睇頭的就露到行一行,而獎項更被認為係分豬肉獎,整體無咩話題性。但好彩臨尾汪阿姐代表藝員領取「50周年光輝大獎」時,卻罕有地坦白地發表對公司的感受,佢希望大台珍惜人才,最好加多人工、休息時間,佢重話「關心多啲啲,山頭文化少啲啲,一定可以發掘,同埋挽留到更多嘅人材。」嘩,講到山頭文化咁白?擺明向各位高層挑機,而背後部分藝員笑容有點繃緊,顯得尷尬。
事實上,好多公司都有山頭文化,簡單嚟講即係有人想做領袖,於是自湊班底攪小圈子,座大自己勢力。而作為小小職員,只係想安安份份打份工等出糧。但奈何山頭文化一出現,以下呢幾個情況都令員工們苦不堪言。
埋唔埋堆都死
公司咁多山頭入邊個好?呢樣嘢同賭博無分別,落啱注咪平步清雲,落錯注的話,你我都好清楚後果會係點。
埋堆要擦鞋
普通OL都只係得個萬幾蚊人工,但卻做到好似溏心風暴咁,又擦鞋又博出位,分分鐘放咗工重要陪食陪玩,打份工啫,簡單D好喎。
難上位
唔好以為做好自己的工作就可以升職加薪,面對咁多個山頭想突圍而出?唔係話係機會的,只係較難囉。
相片來源:TVB網上截圖