話時話：天生相剋的人? 同某人一齊總有唔如意事發生

鄭俊弘自從偷食何雁詩，拋棄未婚妻後，星途一直無好過。兩口子「解凍」後，以為低調處理感情事就無事？結果近日又被傳媒影到對前女友的愛犬Riley使用倒鈎釘帶，令人神共憤。有指Riley唔鍾意「後母」何雁詩，指佢又被棄養又被拖以「極刑」等。事件一出，兩口子紛紛係IG到解話，鄭俊弘就話「Riley有時太過活躍，於是喺導師嘅建議下，用咗一條釘帶(Prong Collar)」，而何雁詩就話「自己同Riley相處好好，無打算棄養，如果適當使用釘帶，唔會對Riley有任何傷害。」

今次唔分析誰對誰錯，反而大家信唔信有天生相剋嘅人？簡單嚟講，就好似《行運超人》入面嘅楊千嬅同梁朝偉咁，一齊咗之後咩都唔順，而同你愛人又有無試過以下呢幾個情況？

咩都唔順意

日常生活定去旅行，總係成日撞板，好似唔見野、被偷嘢，總之運氣唔好，但當你其他人一齊個陣，又無呢啲事發生。

成日病

同佢一齊，你成日都無啦啦整親又或病，雖然你可以話係自己身體弱咗，但有時D野，唔到你唔信。

事業有阻滯

輕則賺少咗，或者上極都上唔到位，重則比人炒咗，而又搵極都搵唔到嘢做。

是非纏身

同對方一齊之後，是非不斷纏身，可能被無中生有指去偷食，又或負面消息被流出。

相片來源：fredcheng83＠ig