話時話：唔做港女 貼地女神的4大特質

最近被譽為「撈極唔起」的貼地女神衛詩雅為入行十年，拍咗兩條短片，內容又講佢鍾意打機、平日鍾意茶記M記同豆腐火腩飯、又話平時5分鐘出到門口，如果男人慢過佢，實做唔到佢男友，重話入行十年，辛辛苦苦都只係為咗可以做自己鍾意做嘅事「拍戲」，無論第時有無錢都會坐公共交通工具，總之成條片講衛詩雅有幾貼地得咁貼地，完全係非港女般的女神咁。雖然出來效果好唔錯，好多網民都大讚佢好靚做戲好好，但亦有部份網民話佢扮貼地扮到Over咗。

事實上，係呢個世代一地都係女神，要做一個與別不同女神，有時Sell貼地，絕對比人有親切感。咁究竟一個親民女神要有咩特質？以下呢4點絕對叫男生們拜倒石榴裙下。

愛草根美食

自古以來，港女比人感覺都係食貴野，如果有一個女仔唔介意同你食茶記或M記，又或者識煮飯的話，男士們一定好Like。

鍾意打機

十個有九個男生都鐘意打機，亦好怕身邊個個唔比佢打機，亦都非常憧憬身邊個個同佢一齊打機，如果女神都沉迷打機，絕對係理想伴侶。

鍾意宅喺屋企

如非工作，貼地女神都唔鍾意出街，最好可以宅係屋企煲劇上網，對男生嚟講唔洗下下出街洗錢，當然係喜訊。

素顏

男人最怕濃妝艷抹，最好女神可以天生麗質，一起身刷個牙洗個面，不拖脂粉就可靚靚出門口。

相片來源：JC後製＠facebook