話時話：同一套衫 一定係身材好嘅著得好睇啲？！

講到前晚金像獎頒獎禮，又係一班女星Show off行紅地毯的時候，今年無去年咁誇張（只少無咁Janice Man個件由上開到下的款式），當中最搶鏡一定係不約而同穿上Deep V晚裝示人的周秀娜同鄧麗欣。好耐無咁博的周秀娜穿上西班牙品牌的晚裝露半球，雖然做好安全措施，但俯身時不慎離罩；至於鄧麗欣的Valentino裙價值30多萬，裙上珠片係以人手釘上，雖然身材平平無奇，但卻打低娜姐奪得最佳衣著獎。

試問有邊個女生唔想有前有後又有纖腰，但奈何香港女性普遍偏瘦，A級女士佔大多數。但云云人海，身邊總有一兩個同事，好似娜姐咁擁有令女生羨慕的身材，如果係大時節日或公司春茗唔小心同佢撞衫，實力懸殊成咁，你又會點樣面對？

平常心

好似Stephy話齋「要睇整體」，有前有後又未必一定Win，重要計埋個人氣質同其他配件的，自己著得開心就足夠。

立即披披肩

以其他配件嚟轉移別的人視線，好似披上披肩或圍巾，總之令人唔覺眼你地撞衫。

全程低調兼早走

其實你唔講可能好多人都唔覺你地撞衫，所以唔少人會硬住頭皮，全程低調，盡量避免企係撞衫嘅朋友隔離，並搵機會提早走。

立即去換衫

如果有時間，襯未有好多人留意到個陣，不妨立即去附近商店買衫，買個安心。

相片來源：明星爱街拍@微博