話時話：同事或合作夥伴變情侶的主要原因

日本女星新垣結衣同星野源拍完《逃跑雖可恥但有用》而人氣急升，有傳TBS電視台將於今年拍續集，但轉個頭日本傳媒報道指二人已拒演續集，原因係二人真係撻着發展地下情，又指二人係今年內隨時閃婚。據稱星野源早前突然搬到結衣BB居住嘅同一大廈，而且仲係同層嘅隔籬單位，戀情傳到似層層。如果今年30歲的結衣BB真係嫁人，相信好多男粉絲要「失戀」了。

現實生活中，好多情侶或夫婦都係由同事或合作拍檔演變而成，因為工作關係二人日對夜對，真正咁了解對方，久而久之便日久生情，尤其係以下呢幾個情況，更能加快二人的感情躍升。

一齊出差

兩口子出差總係要互相幫助，日間一齊努力打拼工作，晚間一齊食飯娛樂，每日對住十幾個鐘，對對方更加熟悉，如果有好感的話，返到香港甚至有種依依不捨的感覺。

一Team人趕Deadline

雖然兩口子忙住趕Deadline，但兩個要互相合作溝通，然後共同挨過去完成一件事，一起共同努力的感覺，好易令大家互生情愫。

陪老闆娛樂

同事們為咗應酬老闆，總會一齊去食飯唱K飲酒，兩口子終於有機會係工作場所以外的地方傾計，了解一下對方，只要男方有少少風度送女仔坐車或返屋企，絕對係加分的時候。

相片來源：網上圖片