話時話：三字頭中女分手好驚驚？比機會妳做呢3件事

講到香港電影，呢期見得最多的女主角絕對係Stephy鄧麗欣，呢期佢有三套擔正女主角的電影係香港亞洲電影節（HKAFF）參展，，好似入圍今年釜山國際電影節（BIFF）New Currents競賽單元、由爾冬陞監製的《藍天白雲》；再嚟係下個月2號上映、由杜汶澤自導自演嘅《空手道》，Stephy係劇中演中日混血兒，拍攝前半年已開始學空手道，相當瞓身；最後一套係11月11日係香港亞洲電影節首度放映的《女士復仇》，絕對係今年電影界最多產的香港女演員。

好多人話Stephy同小方分手，主要係雙方目標唔一致，的確分手前的Stephy同小方，一直都Keep住同葉念琛拍呀《失戀日》、《獨家試愛》、《十分愛》之類，但類似的橋段，你唔厭，觀眾都「共鳴」到厭啦！結果不出所料，分手後雙方係電影中亦分道揚鑣，女方係電影界大展拳腳，男方卻繼續停留係葉念琛的愛情電影《愛情奴隸獸》，結果票房慘淡。

現實中，3字頭中女最怕變老姑婆，談夢想總係覺得為時而晚，當下之急最緊要嫁得出，所以即使男友條件麻麻都麻醉自己，乾脆嫁咗佢。但唔夾就係唔夾，即使中途落車，也未必係一件傷感事，反而比機會妳做以下呢3件更重要的事。

往外闖

三字頭中女唔多唔少總有點積蓄，分手後不妨裸辭往外闖，增值自己，話唔埋係外國有段異地情緣。

專注事業

女人唔係只有愛情，預期愛情失意，不如醉心工作，令自己攀到更高的位置。

照顧屋企人同朋友

自從拍拖後，大家總會少咗時間陪屋企人，單單係旅行都總係以男友為首選。所以分手後，可以多D時間陪下屋企人同朋友。

相片來源：愛情奴隸獸、空手道 劇照