話時話：生完小朋友會感情轉淡？4個重要守則要留意

自從私人群組討論流感疫苗錄音被流出後，謝安琪沉寂咗一排。3月13號係佢嘅生日，佢尋日係社交網站上面寫道：「衷心感謝大家的祝福，收到許多朋友，在我生日當天，去支持不同慈善團體的收據、相片、感想等等，謝謝大家把對我的愛，化為對社會上有需要的朋友的支持，讓我的生日祝福更加別具意義。」

出名愛妻嘅張繼聰就Post咗條搞笑短片俾老婆睇，加句冧爆Caption：「Happy birthday my lovely wifey 我地會繼續努力，等你每日都happy happy」，加埋私底下Whatsapp的一個笑話，謝安琪睇完就話：「我今年收到最滿意的一份禮物，是由張先生親自送出的，我跟他說不要給我買禮物，請說一個笑話讓我開心一整天，不得不說，我真的很滿意。」

其實好多人話夫妻尤其生完小朋友後，大家各有各忙，嗌交機會也相對提高，兩口子感情好多時都會愈來愈淡。究竟夫妻應該點做去維持雙方的新鮮感呢？以下4點都相當重要。

間唔中製造驚喜

驚喜係兩口子生活的調劑品，如果間唔中比個小驚喜對方，令對方重拾拍拖時的感覺。

做好本份

好多時兩公婆嗌交，係因為對方無做好本份，所以最基本係，好好分工，然後各自做好本份。

減少無謂的誤會

人唔係男就女，唔想另一半有咩無謂的誤會，記得注意自己言行，男人唔應該以「怕你誤會所以無話你聽」為擋箭牌，女人唔應該成日話「女人係咁神經敏感架啦」，同異性保持應有的距離係必要的。

凡事有商有量

兩公婆好多時都會為小朋友的事而嗌交，記住兩口子要心平氣和，凡事有商有量，得到共識先下決定。

相片來源：張繼聰 Louis Cheung，謝安琪 Kay Tse @facebook