話時話：成日話想搵個好男人 首先睇下自己係唔係好女人！

劉心悠同曾志偉第一次合作拍月餅廣告，日前就一齊出席宣傳活動。劉心悠透露佢自己都幾鍾意比較幽默嘅男仕，而曾志偉就表示佢身邊都係豬朋狗友，無好男仔可以介紹俾心悠。另外志偉仲讚心悠好乖，入行咁多年都無負面新聞，仲笑住話都唔知佢係咪有病，次次做完嘢就即刻番屋企。

每個男仔都搵到個好女仔做伴侶，但唔少男仕都慨嘆好女仔難求，有都已經名花有主，咁你認為點先算一個好女仔呢？

內在美

外在美固然吸引，但男仕都唔會想自己另一半一日到黑淨係識美容化妝時裝呢類扮靚嘅知識，只係得個殻而無內涵，有好多嘢想討論同研究時都接唔到咀，認真都幾悶同無聊。

識煮飯

識煮嘢食嘅女仔自然係好吸引，你都唔想將來餐餐都要出街食或者叫外賣，始終出街食都未必咁健康，所以識煮嘢食嘅自然搶手，不過煮嘅野食唔係淨係甜品麵包喎。

唔拜金

係現今呢個商業同金錢掛帥嘅社會，唔拜金唔現實唔好高騖遠嘅女仔可謂一股清泉。始終唔係個個都有家底有父幹，而男仔好多時都只係想搵個願意同自己一齊努力向上、支持自己嘅人姐。

孝順女

會孝順家人絕對係好女仔條件之一，因為咁樣除咗表示佢懂得尊重長輩，亦代表佢好有家庭觀念，假若將來要同佢建立家庭都會幾穩陣。

相片來源：anniesumyauliu@Facebook