話時話：愛情道路十分崎嶇 如果忘記過去 重新出發？

每次提及到戀情都會「耍大極」的阿嬌，一向都低調處理戀情，而佢嘅金句：「個個都有拖拍，唔通個個都想拍拖咩？」令人領悟甚深。雖然近年阿嬌屢傳有新男友，但佢都通通否認，而單身已久嘅佢，最近終於承認有一個新男友啦，對方係台灣人，32歲有「醫界王陽明」之稱嘅頼弘國，身高1米77，平時喜歡做Gym，身材健碩超大隻，而個樣又有D似台灣男星張孝全同王陽明，絕對係集合型英帥靚，唔怪得阿嬌都話有被愛的感覺。

阿嬌愛情道路十分崎嶇，但頼弘國也未見得易行。賴弘國上年同「空界林依晨」之稱的前空姐趙筱葳拉埋天窗，可惜結婚半年就宣布離婚收場。而家回復單身後，由婦產科醫生轉行做醫美。

事實上，人愈大經歷愈多，愈難找到投緣的人，唔好講話愛人，連真心夾得來的朋友都愈來愈少。作為一對各自有黑暗經歷的新戀人，究竟點樣可以忘記過去，向新目標出發呢？以下呢4個心態，絕對係不可缺少。

向「過去」釋懷

每個人都有過去，既然佢話得比你知，你都要覺得佢已經一事長一智，唔會再犯同樣的錯誤。所以彼此都應向「過去」釋懷，別再鑽牛角尖。

不要再問過去

佢想講自然會講，不要主動去問對方「過去」，即使佢唔願意地同你講曬上半生又如何？只會為呢段感情加上一根刺。

懶理旁人指點

愛情係兩個人的事，所以不要理旁人指點，相信彼此的感覺就對了。

不要同EX比較

戀愛經歷愈多，自然會同各個EX，然而人總有優點同缺點，咁樣比較只會令自己更痛苦。

相片來源：鍾欣潼 ＠微博，m01yb46 @ig