話時話：愛情路崎嶇 重新出發的女人最注重的4點

鄧麗欣（Stephy）同方力申分手兩年，男方緋聞傳個不停，但全部都只聞樓梯響，無咩下文。反而，失戀後寄情工作的Stephy，係拍戲方面的成績有目共睹，至於感情終於有起色。早排就傳出Stephy同細佢5年的台灣前偶像組合棒棒堂成員邱勝翊（王子）一齊去泰國蘇梅度假，尋日女方出席活動時，被問到此時，佢甜絲絲地表示：「其實係個人感情方面，我希望低調處理，因為過往的經驗告訴我，感情是屬於兩個人，低調是為了保護戀情，希望大家畀啲空間。」至於兩個人點樣相識，佢表示：「因為係同一間公司，不過以前唔熟，係應采兒咁啱約大家食飯，唔知佢算唔算叫做媒人。」

對於呢段相差5年的姊弟戀，Stephy表示年齡不是問題，認為呢個年代大家對所有野的接受能力都好高。但不少網民都認為佢同小方先係最襯，又話王子太小白臉，又沒有代表作之類。但對於一個重新出發的女人來說，最重要係以下呢4點。

夾得來最緊要

以前想另一半又上進又搵到錢又靚仔又細心，試問世上那有人係完美的，吸取經驗後，還是覺得兩口子夾得來先係王道。

開心

前一段感情可能太過執著某一件事，導致分手。如今新戀情重會提醒自己不要重蹈覆轍，兩個人開心最緊要。

更珍惜愛情

一直以來戀愛道路都崎崎嶇嶇，知道一段美好的感情真係得來不易，所以更珍惜眼前段得來不易的愛情。

有將來

畢竟三十多歲的女生，總係想找到一個依歸，所以「將來」二字對她們來說特別重要。

相片來源：stboo @ig