話時話：從負面到正面 男友點樣令外父外母改觀？

鄭嘉穎同陳凱琳結婚呢單野，有報道指婚禮鐵定於8月12號在峇里舉行，新人同親友會係10號飛往當地，而15號係嘉穎49歲生日，二人會係當地度過，慶祝生日順便Honeymoon，認真sweet。

而近日亦有大批傳媒係Grace的九龍城獨立屋門前守候，眼見陳凱琳爸爸媽媽都欣然接受呢段婚事。事實上，陳凱琳爸爸係二人拍拖初時，的確麻麻地鄭嘉穎，畢竟鄭嘉穎只比陳凱琳爸爸細幾年，而鄭嘉穎一向有唔少緋聞女友，而且大部份都係年輕女拍檔，而戀情傳傳下就無咗下文，有情場老手之嫌。至於身家方面，陳凱琳家族資產有15億，而鄭家目前有三個單位，合共約五千萬。難怪當年陳爸爸都講一句：「這樣我蝕本。」

眼見陳爸爸對鄭嘉穎改觀，相信呢位準女婿都下了不少功夫。事實上，對唔少爸媽來說，最唔想嘅係個女帶男友返來，個個父母都希望個男友又乖又有錢又健康又成熟又錫自己個女，但事實上又係唔係咁呢？而男友點做先可以令女友父母改觀呢？以下呢幾個行動絕對不能少。

成日見老人家

明知兩老唔鍾意你，你愈要面對，多啲捉女友一齊同兩老食飯，老人家眼見你令佢個女更重視自己，絕對可以加分。

細心照顧女友

係女友父母面前要加倍細心咁照顧女友，好似幫佢帶褸或幫佢拎嘢等，總之就暖男上身，令佢地放心交個女比你。

投其所好

睇下兩老有咩嗜好，好似跑步定打golf，你可以自行學下，再投其所好，陪老人家玩下嘅過程中，絕對可以增加感情。

努力上進

最後一點亦係最重要，就係錢！男友要努力上進，甚至增進自己，畀兩老知道你唔會餓親佢個女！

相片來源： 陳凱琳ig, 鄭嘉穎KC @weibo