話時話：「容祖兒」無敵是最寂寞 倒不如做「楊千嬅」

楊千嬅將於12月26日至12月31日的檔期，舉行《楊千嬅三二一GO! 演唱會2017》，係今個月月頭開售4分鐘即一掃清光，就連加開場都一樣，一開賣已經都一掃而空，有不少撲飛的網民留言表示：「一張都買唔到。」有指今次演唱會係三面台，而且得兩成飛發售，搞到唔少親身到售票處買票都買唔到。

有人埋怨係香港睇演唱會，就嚟連蔡楓華都要買黃牛。有人亦認為，楊千嬅唱咗咁多年，又走音、又唔夠氣、又成日忘記歌詞、又係樣靚，只係靠少少傻大姐幸福同走到呢個地位。反觀當年最強的競爭對手容祖兒，唱功比千嬅優勝得多，結果至今仍連續唔知幾十幾屆取得最佳女歌手。但贏了世界又如何？有無聽過「無敵是最寂寞」，Joey每日仍怕失落了最佳女歌手而擔心，反觀退下火線的千嬅，早已有家庭美滿，閒時出來唱下歌，壓力少得多。所以話，做人有時唔洗做個咁強的「容祖兒」， 做個中規中矩的「楊千嬅」就夠啦！

你又係唔係好似「容祖兒」咁擁有超強能力，而樣樣野力求完美呢？係呢個壓力爆煲的社會，大家不得不放鬆一點，抱住「楊千嬅」態度，反而有個更愉快的人生。

工作以外才是最重要

人生在世唔係得工作，感情同家庭同你工作能力完全無關。楊千嬅35歲結婚、38歲生仔，而今年37歲的Joey仍無咩著落，只得一個好似「掛名」的男友劉浩龍。

超水準令人驚喜

作為「最強」，做所有野都是要令自己、令人地滿意，稍有失準，只會令人失望。相反，樣樣中規中矩的，做唔到係正常，做到比平常好少少，卻令人驚喜，自己也份外有滿足感。

人脈係最大本錢

最強者總比人一種高高在上的感覺，相反中規中矩者的親和力，令佢人際關係特別好。要知道係呢個現實社會中，有能力唔係大曬，有人脈先係最大本錢。

凡事別執著

執著容易令人唔開心，如果樣樣野都嘻嘻哈哈便過去，人生都少好多煩惱，如果唔係點解咁多人裸辭，快活自由人生最重要。

相片來源：楊千嬅 Miriam Yeung 、容祖兒 Joey Yung ＠facebook