話時話：家長唔易做 4大父母禁忌你要知

由藝人陳小春父子、吳尊仔女等參與的內地真人Show節目《爸爸去哪兒》第5季，幾經波折，終被安排於網上播出，當中陳小春首度帶同4歲兒子Jasper上陣，並一齊合唱主題曲。節目中佢地兩父子要四出找食材煮飯，又要係無冷氣兼無水沖涼嘅地方住宿，攪到小春不禁心情暴燥，對仔仔呼呼喝喝，有網友直頭覺得佢對仔仔「好似呼喝隻狗咁」！點知，仔仔無喊不特止，重用大聲公叫佢「Can you stop angry？」攪到明明上咗火嘅小春，立即變成柔情大漢，都唔知好嬲定好笑。

現實中，湊小朋友絕對非易事，尤其係扭計發癲時，的確令家長心煩氣燥，火遮眼，對小朋友講出或做出唔應講或做的事。作為父母，有咩說話講咗或做咗會影響小朋友一生呢？以下呢4個父母禁忌你要知。

成日講「我唔要你啦」

嬲起上來，家長好鍾意講「我唔要你啦」，呢一句的殺傷力，令小朋友無安全感，好像隨時會被父母拋棄。

損害小朋友自信

如果父母成日話佢無用，會影響小朋友的自信及自尊，令佢係學校唔敢開聲或交朋友，父母最好不要太快批判，因為那是一種否定。

永不道歉

小朋友同大人一樣人有錯必要認，如果父母自己都不能以身作則，點可教出一個懂認錯、懂反省的小朋友。

唔會講唔會聽

好多父母認為自己咩都啱曬，自自然然要小朋友順著自己指意行事，但其實聆聽才能知道小朋友心聲，同小朋友說理都特別有牙力。

相片來源：湖南衛視芒果tv