話時話：女生們想「換畫」 不妨反問自己呢4個問題

間唔中就傳出「分訊」的林峯同吳千語，最近又傳出分手。有報道指千語戀上前全國政協施子清長孫施伯雄，聽講係千語BB喺半年前想講分開，攪到癡情林峯放低手頭上嘅工作，陪女友開工同歐遊。點知keep唔夠半年，又盛傳千語已冧掂28歲「富三代」施伯雄，正式同林峯斬纜。據知林峯同千語一齊五年，但由於林峯家人唔多鍾意千語BB，所以千語一直未有物業揸手，只係得一大堆名牌，令千語心灰，如今有真正富豪係手，千語緊係唔放過。

事實上，時下唔少女仔總係覺得自己值得找到更多，又或眼見同男友一齊耐咗，但男方久久未有拉埋天窗的意向，再加上有外在的追求者，令女生們萌生「換畫」的衝動，但當你決定搵過第二個男友之前，不妨反問下自己呢四個問題吧！

男友真係咁不濟？

人總有缺點，當你同新歡的熱戀期過去，對方的缺點也一樣會呈現出來。試問女人有幾多年可以千揀萬揀呀？！

你係唔係唔滿足？

有種人長期都處於唔滿足的狀態，無論男友係外間人眼中有幾完美，佢都總係雞蛋裡挑骨頭，你又係唔係呢類呢？

新歎係唔係值得？

同新歡剛剛撻著，總係會被新戀火遮蓋雙眼，記得同朋友們理性分析先好作出決定呀。

自己真係夠能力？

好似千語BB咁，搵到個真正富豪，但你真係夠能力鎖住佢個人（甚至錢）,咁你自己諗清楚啦！

相片來源：林峯 ，吳千語 @微博