話時話：唔忍心毛孩被人道毀滅 被咬面仍無悔痛錫

前晚係大台係馬來西亞攪頒獎典禮，當一眾得眾者都開開心心之際，唯獨姚子羚憑《同盟》拎咗嘅最喜愛女配角，喊到豬頭咁款。鬼咩原來子羚上年因為被所領養嘅唐狗「通仔」咬傷塊面，臉上多咗條疤痕，被迫停工幾個月，更怕因此毀容。以為子羚會因此遷怒於「通仔」，點知佢更係台上叫大家唔好放棄領養動物，亦唔好棄養，一顆善良之心贏得唔少讚賞。

講返「通仔」，係上年子羚同龔嘉欣喺深水埗發現佢，個陣佢地搵咗幾個月都冇人領養，而子羚唔忍心「通仔」被人道毀滅，最終收留咗「通仔」。的確，香港係2015至2016年度就捕捉咗2,412隻流浪狗，而人道毀滅的狗隻有2,421隻（唔好問點解人道毀滅嘅比捕捉嘅更多啦，人道毀滅嘅唔一定係捕捉返來）。咁究竟如何幫到呢班小動物？以下呢3點，大家不妨參考下。

為自己動物絕育

最基本由自己做起，至少你的毛孩唔會因出去攪攪陣而「出事」，你亦唔洗怕毛孩生咗要分比朋友。

唔好幫襯非法狗場

聖誕將至，當然唔鼓吹大家送寵物做禮物，但如果已經過深思熟慮，記得唔好貪平幫襯非法狗場，隨時慳埋都唔夠比毛孩睇醫生。

領養代替購買

說到底，勸大家以領養代替購買，好多可領養的小動物都一樣可愛，而且佢地可憐的身世，更懂得珍惜往後的快樂。

相片來源：姚子羚 Elaine Yiu ＠facebook