話時話：全職媽媽的辛酸 呢個4個情況令人好沮喪

謝安琪雖然退穩專心相夫教子，但佢湊仔之餘亦不時上載生活點滴，又不時同老公張繼聰係網上放閃光彈燈曬恩愛，對香港人來說，佢好似從來無離開過。呢兩日兩公婆又有動靜啦，話說張生拍片捕捉到囡囡第一次叫爸爸嘅Moment，聽到「爸爸」二字後，張生冧到爆嘅表情，簡直隔住個Mon都Feel到曬。至於媽媽Kay，開心之餘亦酸溜溜咁分享呢條片，Caption寫「好啦好啦，咁都俾你影到，今鋪當你贏喇」，再加hashtag #全職湊小朋友又何嘗唔辛苦呢、#Kakaball唔好大細超好嘛、#麻煩你聽日叫返一聲媽咪，攪到網友們都爭相安慰勞苦功高嘅媽媽。

不過講開全職媽媽呢份工，唔好以為全日係屋企就好得閒，其實分分鐘忙過有收工時間的打工仔。佢地又要湊仔、打掃、煮飯等等，可以話係全日24小時開工，最慘嘅係有時老公唔體諒，又或小朋友唔生性，尤其呢4個情況下，真係令人好沮喪。

老公呻返工攰

當老公話返工好累，食完飯，9秒9訓咗個陣，你重要繼續照顧小朋友同洗碗打掃，你會寧願自己出返去打工，至少有收工時間。

奶奶嫌三嫌四

仔女自己湊返，但老爺奶奶總係得閒無事上嚟探下阿B，當你日忙夜忙，重要聽老爺奶奶好似老闆咁嫌三嫌四，真係考EQ嘅時候。

大食懶老公

老公抱住男主外女主內呢個概念，認為屋企內所有野都係女人負責，食完飯就打機或成日出街，其實幫下手都得掛。

小朋友唔聽話

對住小朋友少D EQ真係唔得，有時呢頭執好間屋，佢9秒9幫你攪亂，而你又唔可以大發脾氣，有時谷住谷住真係無從發洩。

相片來源：張繼聰 Louis Cheung