話時話：三個女人一個墟 姊妹聚會最常見的4個話題

所謂三個女人一個墟，好多女士們都鍾意同姊妹們組成一Team，由女人扮靚化妝心得到講是是非非得，可以話係女人最好的娛樂之一。好似娛圈都有唔少「女人團」，好似有胡杏兒、胡定欣等的「胡說八道」，重有由汪明荃、嘟姐、曾華倩等組成嘅「至八會」。早前「至八會」佢地去咗鼎爺私房菜搞聚會，而毛舜筠話上一次齊人已經係四年前嘅事，「久違了的歡笑聲，美女們實在太可愛」。而嘟姐說話「還可以同這班起碼4年沒有一起聚會的美女們聚在一起，多謝阿姐！」

有時人大了，有自己的家庭事業，各有各忙，姊妹們的聚會都愈來愈少，雖然應該無4年咁耐，但相信每次出來，大家都會有說不完的話題吧，咁究竟咩話題最好傾？以下呢4個絕對係首選吧？！

各人感情狀況

未結婚的話，當然係Update下大家自己的感情狀況，好似同男友點呀？分咗手的話，有新歡未呀？

大吐苦水

已婚的話，相信係呻下老公同小朋友嘅事，當然少不了係呻訴面對奶奶的苦況。而事業的辛酸亦都係重點之一。

是非

只要有女人的地方就會有是非，所以當一班女生聚頭，總會有無限是非，好似講下舊朋友或同事，但最緊要「八不外傳」。

扮靚心得

好似用咩化妝品或護膚品，又或者呢期做咩運動或食咩保養品Keep住年輕等，畢竟減肥同延緩衰老係最個女人的終生事業。

相片來源：do_do_cheng ＠ig