話時話：一到30就想嫁？女仕們係咩時候想成緍

今年30歲嘅高海寧高Ling，早前就表明想收起性感，希望觀眾可以多留意佢嘅演技，仲話身邊人都贊成添。最近孫耀威同陳美詩行禮結婚，高Ling雖然無出席但亦真心祝褔兩人，而講到自己佢就話無咁快，希望俾多兩年時間自己，仲話同男友鄧智偉應該都有計劃喎。

相信每個女仕對婚姻都充滿期待，希望幸褔都可以降臨到自己身上，咁到咩時候會令女仕們想成緍呢？

玩夠了

年青嘅時候總希望見識多啲玩下先，唔想咁快就被家庭、湊仔等束縛住。當到咗某個年紀玩夠或者行過唔少崎嶇路受夠傷後，自然就會想有安定嘅生活。

同輩婚潮

到咗某個時候，身邊嘅朋友或者以前同年嘅同學陸陸續續結婚生仔而自己仲一個人時，少不免會有啲緊張同擔心，再加上屋企人嘅壓力，就會認真咁思考呢個問題。

事業目標

有部份女仕其實一直都有個穩定嘅伴侶，但因為仍然想為自己嘅事業搏殺或者做到某個位置先願意停低成立家庭，不過事業好多時都未必到自己控制，結果就愈拖愈耐。

有好對象

一隻手掌就拍唔響嘅，點都要有一個好伴侶先可以結婚架，話哂都過人世情願遲少少遇到個啱嘅都好過遇著過壞嘅。如果已經遇到好嘅彼此又適合咁就要恭喜你啦。

相片來源：sammkoling@instagram