無聲吶喊 韋家雄
關於韋家雄，大家最記得的，必然是他有個哥哥叫韋家輝；其次，是他在《金枝慾孽貳》裏，那個奸到出汁的「搞屎棍」馬新滿，又或是去年因為《4 in Love》，傳出戲假情真，用微博力追拍檔葉翠翠。可是，我們真正認識他的卻不多，而入行廿三年、活了四十七個年頭的他，也似乎沒有怎樣公開談過自己。 「睇過0的雜誌，做完個訪問出到0黎，都係另一樣0野，有0的驚，所以我不嬲都唔係好鍾意做訪問。但後來發覺，做呢行真係有呢個需要。」然後，他從他的成長開始說起；然後，我發覺他每當說到一些難堪之處，他卻反而展露出最多的笑容，連我問他可否提供一些舊照片來刊登，他也會笑著說：「我唯一一張童年照，以前畀過某本雜誌，唔見0左；跟住搬屋時，又成箱相畀人偷埋。哈哈哈！」我想，這大概是因為上天也希望他把某些事情逐漸淡忘吧！畢竟，真正的無奈，是有苦自己知。 爹0地 我屋企有四兄弟姊妹，除0左韋家輝，仲有一個家姐同一個妹。爹0地本來0係貿易行做0野，後來開0左間塑膠廠，我十歲之前住0係華富邨，屋企有車，環境好好，爹0地得閒就會車我0地去食燒乳鴿。 不過爹0地發0左達之後，就同0左公司一個女人走0左佬。印象裏面，佢走之前都已經有0的先兆，最深刻0個次，係我0地幾兄弟姊妺0係板間房瞓緊覺，聽到出面鬧交，又有跌爛玻璃0既聲……0個晚之後，爹0地再冇返過0黎。 佢走0左之後，我0地連屋租都交唔起，要去婆婆0既唐樓同阿姨佢0地一齊住，好迫，夜晚媽咪同我0地，就瞓0係四張櫈加塊木板上面。 當時我0地真係窮得好緊要，冇錢，媽咪打去問爹0地攞一、二百蚊，佢都唔肯畀！我有次都煩0左爹0地好耐，佢先肯畀二百蚊，仲要開cheque！好衰！我當時真係好嬲——其實，我一直都好嬲佢，覺得佢好冇責任心！ 佢過身0個陣，我拍緊《真情》，算有0左名，佢0個邊0既女人聯絡我同我阿哥，叫我0地執葬，結果我阿哥就負責做0左呢件事。 點心 我十一、二歲，政府就派0左間紅磡山谷邨0既廉租屋畀我0地住。為0左幫補家計，我讀小六0個陣，就已經走去土瓜灣一間舊式酒樓度賣點心，賣完就返學，四百蚊個月，朝早三點半我就要返到去，清潔吓個地下，就開始孭住個點心盤0係酒樓裏面兜，好重！ 酒樓裏面0的廚房佬好惡，0個陣我成日都畀佢0地蝦，試過有次佢0地用0的油0係我身度畫肌肉，跟住我一路嗌點心、一路喊，返學0個陣就搵校服遮住，好慘，哈哈！其中我最驚0個個，光頭、得一隻眼，朝早酒樓每人畀一籠點心當早餐，佢會衰到喝住我，唔畀我食，我就要餓住個肚去賣點心。 賣0左點心年幾、兩年，我就走0左去學整麵包，人工好0的，有六百蚊個月，不過0係七十年代，一碗粉都要三、四蚊，所以幾百蚊其實唔係話好好，咁我每日放學，就走去學校隔籬0係土瓜灣街市，幫人刨冰，0個個人鍾意就畀幾蚊、幾十蚊我，又請我食冰，跟住其他檔口0的人，有0的又會請我食魚肉，唔使錢，諗起都覺得自己0個陣幾叻仔！哈哈！ 阿戚 讀完書之後，我做過廣告公司0既p.a.，做過電影0既機器組，又做過攝影。九○年，我見到亞視藝訓班招募，就走0左去報名，一來、我本身都幾有表演慾；二來、我覺得做攝影或電影幕後，始終唔係可以做到老0既工作，反而做幕前好似有0的前途。 0個陣我哥哥已經好出名，0的考官見到我個名，都有問韋家輝係我邊個，我只係話個名似，點都唔認，我想睇吓咁樣會唔會考到入去。好彩，最後我都入到ＡＴＶ，不過人工只係得三千五蚊，同我做攝影0既萬幾蚊個月差好遠。 做0左幾年冇對白0既閒角，有次拍阿戚（戚其義）套《點解阿Sir係隻鬼Ⅱ》，有個演員講極都講唔到0既一大篇對白，阿戚就提議換人，叫我做，結果我一take過就ＯＫ——其實佢當時都唔知我係韋家輝0既細佬。 後尾，阿戚過0左去無線，九四年，我都離開0左ＡＴＶ。一年後，我0休超市撞到阿戚，估唔到佢仲記住我講對白0既事，就叫我畀0左資料佢，等佢畀珍姐（曾勵珍）睇，就係咁，我就入0左去ＴＶＢ。 海嘯 0個陣珍姐對我都幾好0架，簽我時，offer畀我一年都有一百個騷，完全夠晒生活，而且效果比我0係ＡＴＶ好好多，入去拍第一套劇《900重案追兇》做個閒角，出0左街幾日，就已經有人認得我，好過我0係ＡＴＶ，就算同呂頌賢、江華拍0左套台慶劇《戲王之王》，都係冇人識！跟住珍姐又搵我拍《真情》，拍住苑瓊丹，個效果更加大，可以話係我0既轉捩點！ 其實，咁多年0黎，我曾經都離開過ＴＶＢ兩次。第二次係○八年，0個陣我覺得自己發展唔係咁理想，所以就搞0左ＬＥＤ燈0既生意，基本上都差唔多轉0左行。 ＬＥＤ呢個生意，其實都搞得幾好0架，我仲搭住間煙花公司，投到負責做○八、○九年日0既倒數，做落都好似順順利利咁，點知，一一年日本海嘯，令到我呢盤生意蝕0左非常多錢！因為同我一齊搞0既朋友，佢同佢屋企人就係exactly住0係福島海嘯0個度，佢屋企隔籬有個倉，我0地0的ＬＥＤ都0係0的度研發，同埋擺貨，0個場海嘯，就係咁，乜都沖走晒！連我朋友同佢一家都因為咁走埋！ 後來，阿戚搵我拍《4 in Love》，我先開始再拍番0野，跟住仲同ＴＶＢ簽番約，拍埋呢套《金枝貳》；另一方面，我0依家都搵緊另一樣0野做生意，因為，對我0黎講，生意始終都要繼續做。 妻兒 其實，0係我當年入ＡＴＶ時，我已經奉子成婚。0個個女仔係我之前拍時識，點知我讀緊ＡＴＶ藝訓班時，先知佢有0左。 當時突然間多0左個仔，但入ＡＴＶ得幾千蚊人工，我惟有拍完0野之後，走去海心公園做兼職裝貨櫃，裝一個通宵都有百幾二百蚊，就係咁一路做到我離開ＡＴＶ。 我入0左ＴＶＢ冇耐，因為我同太太性格好唔0岩，成日鬧交，結果就分開0左，個仔跟我。0個陣我0地已經搬0左去清水灣住，但我個仔間學校0係青衣，好遠，我要日日車佢返學，所以有時我收半夜兩、三點，都唔敢瞓。 十一年前，我同前妻正式離0左婚，聽講佢都已經有另一個，都好，大家唔0岩，再擺落去都係唔開心。 而我個仔，0依家亦都已經廿歲，讀完書，0係酒店學緊整甜品，因為佢鍾意整0野食。佢同我0既關係，其實似朋友多0的，佢有乜唔開心，都會同我講；就連佢0既朋友，我都全部識晒，因為佢成日都叫0的friend返屋企開party——咁好過佢0係條街度，唔知識0左0的乜0野人！ 0依家我0地雖然住埋一齊，但好多時都唔會0係屋企見到面，大家想知道對方做緊乜、0係邊度，都係睇微博或者facebook先會知，其實都幾好笑0既！ 1在《金枝貳》中的「馬新滿」，奸到出汁，受到網民大讚，韋家雄說，這個角色是他拍戲以來最難演的一個。 2 《金枝貳》收視雖然不如理想，但韋家雄（左一）、龔嘉欣、陳豪和關禮傑日前繼續落力宣傳。 3 演繹「江湖大佬」角色，是他（紅圈）另一項耍家，如○七年的《學警出更》。 4「得力左右手/ 跟班」的角色，他演過無數次，包括○六年在《法證先鋒》裏的「朱德安」。 1 去年因為《4 in Love》，傳出力追葉翠翠。「其實翠翠唔係我鍾意0既類女仔，我唔係太鍾意0既女仔高過我。」 2 跟陳嘉嘉拍拖年多，感情穩定。 撰文☆周彩霞 攝影☆梁比利 設計☆陳佩珍
