有數計：花錢開心 花在別人身上最開心！

Yahoo有數計

開心fing錢，唔開心又fing錢，每次豪使完點都覺得滿足同開心。蘇黎世有研究指，使錢的確可以令人開心，但唔係花在自己身上，而係花喺其他人到。

蘇黎世大學一項研究搵嚟50名參加者，然後將佢哋分成兩組。一組人被要求每星期花大約200港元幫其他人買禮物或者約會，另一組人就將錢使喺自己身上。主觀上，第一組人覺得慷他人之慨後覺得特別快樂。調查人員之後為佢哋做MIR磁力共振掃描，檢查大腦活躍嘅區域，並喺掃描時叫參加者思考點樣分配手上嘅金錢，例如你手上有200蚊，就會用180蚊請朋友食飯。

結果發現當人對別人慷慨時，大腦有兩個部分會特別活躍，其中一個區域正正就係掌管咗人快樂嘅感覺。同時有科學證據顯示，人本性係慷慨，自私自利唔會令人獲得真正嘅快樂，相反幫助其他人先會令人更開心。