有捨，才有得 葉世榮
二○一三年，是Beyond成立三十周年，也是昔日主音兼結他手黃家駒逝世二十周年。照常理，Beyond三子黃家強、黃貫中（Paul）和葉世榮，應會藉此重聚跟樂迷一起紀念；誰料到，官方的紀念活動沒有了，只有家強和阿Paul的不和升級，雙方透過微博隔空開火，擺明車馬唔妥對方……至於向來是Beyond中最溫文、最平和的世榮，對此事只是說：「我冇感覺，唔畀意見，講乜都好，我唔想回應，我驚會將件事更加複雜化，唔想有乜是非，講多錯多，我唔當自己係娛樂圈人。」畢竟Beyond是香港如此一隊經典的樂隊，今天發展到這樣的地步，難免令人感到欷歔。就連這個於開火前接受的訪問，世榮亦只是淡淡然的說：「Beyond其實已經解散0左。」就這樣畫上句號，捨得嗎？「Beyond當年宣布解散時，我0地已經各自安排0左分開之後要做0的乜，條路點行。「有捨先有得。人唔可以太貪心！你背負住咁多?，唔放低佢，點攞前面0既0野？」世榮說罷，給了我一個很祥和、親切的笑容。看?看?，我忽然很懷念家駒仍在時的Beyond。 前成買 世榮說，Beyond解散，其實已經是○五年的事。「我0地○三年重組，到○五年係解散。0個陣有0左呢個打算之後，已經各自安排好晒之後分開要做0的乜，條路要點行。 「0依家我世榮，只係前Beyond成員。」 可是，Beyond解散，會否有違背家駒延續音樂的精神？「家駒講過，佢最大0既夢想，係做世界巡迴演唱會。呢樣0野，我0地三個0向○三年至○五年已經做0左、完成0左。」 決定解散，真的是因為傳聞多年的不和？「有幾不和呢？點解0的人成日都會覺得0的成員分開做0野，就係不和呢？我0地咁大個人，可以仲有好多發展空間，唔可以好似歌迷希望0個種，永遠跳跳紮0係度夾band，我0地唔可以只係停留0個個位置呀！」 那你跟家強和阿Paul還是好兄弟嗎？有說你連前年結婚也沒有通知他們啊。「我同佢0地冇0野，0依家仲有聯絡，只係少見面。加上我住0左0係北京十二年，每次返0黎香港都未必會有時間同佢0地見面。 「至於我結婚，我太太係內地人，我0係北京擺酒，都唔方便通知咁多香港朋友。同埋我唔想咁鋪張，請得圈中人0黎，自然會有好多記者，咁會好混亂。本來我打算之後返香港再搞一次婚宴，但我太太有0左，先冇搞到。」 離0左婚 今年是Beyond成立三十周年，又是家駒離世二十周年，外界總會認為Beyond是時候再重組，與樂迷一起紀念。「重組，我諗係?製作公司最想囉！逢五進一，五、十、十五、二十（年），然後開晒，又賺一筆！真係一個好好0既商機！（苦笑） 「係，重組可能會賺到0既報道所講0既數字（千幾二千萬），但事實上唔係咁簡單，我0地要做新歌、要重新建立過默契、要做宣傳，甚至開埋show，前前後後又話兩、三年，跟住又話下一個五年好快到……咁我0地點做到自己0野？雖然話，有好多唔同年代出世0既樂迷，都好想睇到Beyond0既演出，但如果真係要滿足唔同年紀0既樂迷要求，我0地係咪要八十歲都仲重組緊？一對離0左婚0既夫婦，冇理由仲會復婚，之後又離婚再復婚，仲要生埋仔0架嘛！ 「所以，我世榮，係唔會再參與Beyond任何0既重組！」 要是其他成員想重組，又可會考慮？「我唔會參與，但亦都唔會反對其他成員重組Beyond。 「Beyond除0左家駒、家強、阿Paul同我之外，其實仲有好多成員。八十年代0岩0岩起步0個陣，仲有阿潮（李榮潮，bass手）、William（鄧煒謙，結他手）、Owen（主音結他手）、阿安（陳時安，主音結他手）同劉志遠（結他及鍵琴手），佢0地對於Beyond0黎講都好重要，所以重組，都會關佢0地事！」 黃家駒 不想參與重組，亦因為家駒。「自從家駒離開之後，我0地三個每次上台，我都係0係後面打鼓，阿Paul同家強都係一左一右，中間位置都係空0左出0黎，一係得支咪……呢個感受，我0地三個0係台上最明白，一場show三個幾鐘，要我0地每次都咁樣承受幾個鐘，真係唔好受0架！」 很掛念他嗎？「咁多年到0依家，我anytime都會！我仲會成日夢見佢，同冇事一樣，大家一齊夾band、一齊玩。 「最親0既人同最好0既朋友離開0左，呢個心情永遠都唔會平伏到0架！」 始終，他和家駒的交情不止於Beyond。「我最懷念0岩0岩識佢0個段時間，0個陣連Beyond都未有。」 八一年，還在就讀中六的世榮，經一名bass手朋友介紹下，在土瓜灣一間琴行認識了家駒。「我0個陣0係大坑返學，記得有次食晏，我走0左去銅鑼灣通利，陪佢買結他，佢就買0左支紅色Fender！」 後來，世榮投身社會，在保險公司任職商業保險經紀，入職不久便介紹家駒做自己的同事。「佢本來做緊製衣廠0既布料買手，但係我覺得佢份工發展空間唔大，就介紹佢0係我公司做。份工好自由，好多時我0地朝早返0左公司，晏晝就會返屋企彈結他！哈哈！ 「我0地0個陣都有同另外兩個人夾0左隊band，參加過比賽；後尾人事變動，我0地兩個就同阿潮、William組過另一隊band，William就改0左Beyond呢個名。跟住阿Paul同家強再加入，我0地簽埋經理人，就開始全職玩band。」 再後來，更有「二樓後座」成為了他們的band房。「0個度本來係我阿嫲住，後尾阿嫲過0左身，我0地就用0左做band房。」 豬肉榮 世榮現在已長居北京，他說，要不是○一年推出過一張個人大碟《美麗的時光機器》，他大概也不會轉攻內地。 「我0地係Beyond三子時期，為0左唱和音，學過三年唱歌。○一年出碟，發覺我0係做主音方面0既經驗太少，而且呢張碟亦都好難聽！就係咁，我好想攞多0的做主音0既演出經驗，諗到內地會有比較多呢0的機會，就由深圳開始，大大小小0既演出場地都去毛遂自薦，跟住就開始愈唱愈北。」 除了登台演出，他也會做音樂幕後，以及培育新人。「我0依家係知天命之年（五十歲），人生第一個三十年，已經0係Beyond裏面奮鬥過；下個三十年，我好想畀番自己，做自己0野，人生無常，有夢想都應該要去實行。」 不怕外界會把你的人生上、下半場作比較嗎？「我話你聽，就算我今日轉0左行0係街市賣豬肉，0的人見到我，都會話：『Beyond0既世榮呀，畀斤豬肉我?！』Beyond係我0既歷史，點搣0者？除非我去非洲隱姓埋名0者，哈哈！」 可是，Beyond曾經有首歌叫〈Amani〉（非洲語，和平的意思。）呀！「係喎！真係抹唔甩！哈哈哈！」 的確，有捨才有得。 今天的世榮，放下了Beyond成員的身份，卻肩負起薪火相傳的使命。 一一年十二月，他跟內地模特兒張偉玲拉埋天窗，彼此年紀相差廿二年，曾惹來外界一些閒話。「0依家係我娶老婆，又唔係人0地娶，我同我老婆覺得ＯＫ咪得囉！」 結婚前可有告訴已故前妻許韻珊（冥婚妻子）？「有！我同太太都有去拜佢，同佢講聲。我覺得有需要?！同埋，我覺得佢見到我0依家幸福，佢都會開心囉！」 去年中，他更初為人父，女兒葉凱淇本月底也一歲了。「佢預早0左成兩、三個星期出世，0個陣我飛緊去第二度做0野，一落機就收到電話……睇唔到佢出世，係有0的遺憾，陪唔到我老婆生，又有0的慚愧。」 事隔一個星期，他回到家，才看到正在熟睡的女兒。「睇到佢瞓0係張床仔度，我好感動！感動到我眼濕濕！佢對眼好似我，身形同皮膚都好似媽咪，好靚女，白白淨咁，覺得好奇妙！」 現在女兒正在出牙仔，學企學行中，最愛呱呱嘈。「佢好有中氣，成日大嗌，仲要嗌好耐唔停；有次食飯，佢嗌到嚇親隔籬?兩個小朋友！哈哈哈！佢節奏感都幾好，聽到Gangnam Style會手舞足蹈，我諗我可以教佢打鼓！哈哈！」 這個使命，就是世榮的人生下半場。 ○八年，為紀念家駒四十六歲冥壽，已解散的Beyond三子，難得再上台。 八十年代初成名的Beyond，除了（左起）世榮、家駒、家強和阿Paul外，還有負責結他和鍵琴的劉志遠。 跟家駒（左一）於八十年代初夾band時，Beyond還未出現，家強還是一身baby fat。 ○三年，Beyond重組，演唱會台上，他們把家駒的影像投射到台中央，場面感動。 世榮說，現在盡可能不會跟家強或阿Paul再合作。「最近同家強0係《勁歌》合照，0的人都會諗起Beyond。」 最近推出新歌《薪火相傳》，致家駒的；七月會舉行歌迷聚會，唱Heavy Metal！「我0的火都放0左音樂度。」 ○二年，女友許韻珊離世，世榮陪她走最後一程，現已視她為前妻。 前年十二月，他迎娶內地模特兒張偉玲，雖然年紀相差廿二年，但彼此溝通得很好。 去年六月，世榮初為人父，抱著女兒葉凱淇，他一臉幸福。 撰文☆周彩霞 攝影☆陳縱宇 化妝☆Kei Kei 髮型☆Matthew Kong @ HQ 服裝提供☆IZZUE & Puma 場地提供☆Nova Concepts 設計☆黃潤群
