散打王的進化史 林盛斌

不知道甚麼時侯開始，阿Bob林盛斌不來已散布在我們的生活當中，開電視，這邊廂見他和王梓軒嘻嘻哈哈主持《兄弟幫》，那邊廂他又會和泰臣、萬綺雯當街表演魔術；然後，他又會扮隱形人賣漆油廣告，扮新娘sell內地購物網站，扮藥房奸商同你講商品說明條例，繼而再成身泡醒你用煤氣的貼士。 即使入戲院睇戲，他的嘜頭又可能會以地中海鹹濕佬look或洪興社堂主「肥佬黎」出現; 到商場或至去晚宴，台上當司儀嗰個，都有機會係佢！ 水銀遍地、無孔不入，大概就是這個意思。若然「十」是最高的人氣指數，我想，他現在應該也有「七」吧！ 「冇，『五』左右啫！咁少？「我好多謝你會咁講，喺你嘅角度，你可能覺得係少，但係我……嗯，我唔係扮謙虛，做訪問，我冇需要咁做。但係我真係覺得，o依家可以一直keep到『四』、『五』、『六』，已經好好，我真係好關心、好感恩o架嘞！」 乜job都肯接，乜鬼都肯扮，確實會在這一行較為吃得開。「我最近好鍾意兩句話︰『襟撈、願做、冇投訴；肯博、肯捱、冇計較！』如果可以做到咁嘅話，就贏o架嘞！當然，我都要多謝新城、TVB、畀我客串嘅電影導演，仲有外面搵我做司儀、做代言嘅客啦！佢哋肯畀機會我，我真係好感恩、好開心o架！」 在這個新紮散打王活了的三十四個年頭裏，他要感恩和多謝的，其實還有很多。 兒子 林盛斌出身的家底，本來很不錯。他家中除了父母，就只有一個細佬，一家四口居於西營盤，父親在他讀中學時曾在內地開設電子廠。「我爸爸嗰陣好多時都係收cash，每次返嚟屋企，都會見到佢一嚿嚿錢咁畀阿媽，我哋就意識到嗰陣屋企嘅環境係幾好。」 九七年一場金融風暴，電子廠倒閉了，父親一嚿嚿錢攞回家的畫面不復再。「我爸爸嗰陣好唔開心、好頹廢。以前一家人會成日出去大魚大肉，去行街睇戲，一下子冇晒。我有時出去玩，阿爸都會畀一千蚊我，我嗰陣都已經唔敢問，因為我同細佬都feel到，屋企好唔對路。 「嗰幾年，屋企慘到住緊層樓按完又按，阿爸阿媽又攞埋對勞（勞力士）去賣，我同細佬入咗大學之後，申請咗嗰幾張信用卡，阿媽都叫我哋透支晒張卡啲錢出嚟維持屋企。」 如是者的日子撐了好幾年，父親結果轉行當了的士司機，母親則到便利店打工。 技安 阿Bob唸傳統名校英皇，一直是校內的「風頭躉」。「我嗰陣時喺學校真係好似『技安』！見到個波飛埋嚟，我會一腳踢走佢，得閒會講兩句粗口，有時成班人出去嘅時候，又會行得大搖大擺懶勁咁，喺條街度嘈嘈貢——對於呢間學校嚟講，我咁樣已經被標籤為最曳?啦！嗰陣有風紀同我講：『阿斌，你知唔知你個file，喺我哋風紀間房度係最厚嗰個，喺black list裏面，你都係排第一位?！』」 誰料中五後，轉到香港仔工業學校升讀中六、中七，即風水輪流轉。「當時香港仔工業，個個都係『技安』，放咗學之後，成班人拎住部Ericsson337圍我，我仲邊敢也文也武呀！」 其後入讀城大建築系，便開始了他的司儀之路。「嗰陣校內有乜嘢活動，都會搵我做司儀，間中都有一千幾百畀番我。我都係嗰陣開始，先發覺自己有呢方面嘅talent。」 Year 3那年，他為大專聯校歌唱比賽當司儀，拍檔是當時新城電台的ＤＪ陳小芝。「完咗show之後，小芝同我講：『肥仔，你個樣幾搞笑喎，有冇興趣幫吓我手呀？有show搵你做呀！』就係咁，我哋就交換咗電話。」 老公 臨大學畢業時，阿Bob膽粗粗主動聯絡陳小芝搵路數。「當時營業部有空缺，問我有冇興趣，咁我就去咗新城interview，in完，當時個老闆就叫我下星期一返工。 「第二日，成個建築系最大嗰個professor就搵我：『我哋??家安排你去香港最大嗰間建築公司做，萬幾蚊個月，唔使點in，學校推介嘅，就請?啦！』不過我聽完之後都推?阿Sir。」 入職新城營業部才數個月，他便成了top sales，月薪近四萬；但九個月後，見節目部終於有空缺，二話不說，便主動調職當月薪八千的ＤＪ。「嗰陣屋企環境好咗，所以屋企人都好支持我咁做，呢個我又係要好感恩、好多謝嘅！」 人工少了一大截，但工作卻忙到甩轆，除了要為節目度橋寫稿和開咪外，更要負責搞show，由布幕設計到邀請甚麼嘉賓，都是一腳踢。「我嗰陣就係因為咁樣，識咗好多唱片公司嘅人，同埋儲咗好多啲商場、品牌公司同公關公司嘅客，呢啲我都係要感恩?！因為咁樣，?人有乜活動、記招，要搵司儀，就會搵我。」 當ＤＪ沒多久，他與范振鋒和杜浚斌因為主持《新香蕉俱樂部》，人氣大增，商場show和晚宴的司儀工作，也開始紛紛而至。 「其實呢個係人生交叉點嚟?。你諗吓，如果我嗰陣揀咗去建築公司做，十年後嘅今日，我都可能已經係senior project director，係中層位置，收入都應該有十萬、八萬一個月，咁樣條路就會好唔同，而且亦都唔會遇到我嘅太太（阿Pearl）。」 ＤＪ 話說○五年，阿Bob要為一個show跟客戶安排的公關公司人員開會，「我一坐低，就見到呢條女——即係我老婆，當時我心諗：『咦？索索哋喎，幾正喎！』點知原來佢係我City（城大）嘅師妹。」 打蛇隨棍上，他即時問她要電話，當晚更約她吃消夜。「我都只係溝女佢一個月啫，咁我咁靚仔，佢都好快鍾意咗我！哈哈哈！我哋好快就住埋一齊，都諗住如果有咗就結婚，點知一個月之後，佢就話有咗！我聽到??，爭啲成粒食緊?墨丸噴出嚟！其實係開心嘅，但無啦啦話做老竇嘅時候，都真係要噴墨丸?！」○七年十一月，他倆正式註冊結為夫婦，沒有大排筵席，只是下午往註冊，晚上兩家人六圍枱吃頓飯。 「一一年ＴＶＢ有個節目叫《心有靈犀》，我同太太係做嘉賓。監製問我有乜情深嘢要同太太講，我先醒起，我一直都冇向佢求過婚。咁個監製就幫我安排晒啲嘢，畀我喺個節目度向佢求婚，其實都幾正?！」 父親 他有兩個囡囡，大女林霏兒，五歲；細女林熹兒，才剛兩歲。「我見到佢哋兩姊妹，真係好感恩，好Happy！我覺得我太太教得佢哋好好，家姐好錫個妹，有乜嘢都會sharing，兩粒糖，一粒畀妹妹、一粒畀自己，又會識主動同人講『唔該』、『拜拜』，好有禮貌！」 雖然兩姊妹跟爹哋見面時間不多，但她們卻十分黐他。「有時我出門，佢哋喺度都會話：『我哋會好掛住你?！你要小心做嘢呀！拜拜！我愛你呀！爸爸！』呢啲真……真……真係感動到呢！ 「有時我返到屋企，如果佢哋未瞓，佢哋都會好開心咁飛撲埋嚟：『爸爸！』嘩！嗰日就算喺出面有幾辛苦、幾難捱都好，呢吓真係乜都贏晒！」 可是父母對孩子，總會有放手的一天。「真係?，睇住佢哋一日一日咁大呢，諗到會同佢哋距離愈嚟愈遠，諗到佢哋十幾歲嗰陣，又話拍拖又盛……即係林海峰都講過，如果有日有人?門鐘，一開門，對方話：『世伯，我帶你個女出街呀！』嗰吓你真係會想一拳打爆條友?嘛！搶我條女喎！唉，我知道總會有咁嘅一日，但我真係唔敢諗囉！」 此時，只見阿Bob的一雙眉，已經變成八字了。 1976 1977 1978 1979 1980 1984 1985 1986 1987 1988 1989 1990 1991 1992 1993 1994 1995 1996 1997 1998 2003 2004 2005 2006 2007 2008 2009 2010 2011 2012 2010 2011 2012 2013 2014 19797 Born 1986 七歲的阿Bob（右一）和父母及細佬合照，那時家境還很不錯。 1988 九歲的他，輪廓分明，算是靚仔一名。 1992 十三歲，仍然一臉稚氣，戴上眼鏡的他，開始跟現在的他有點似樣了。 2009 ○三年四月一日開始在新城當DJ。其後跟范振鋒（左一）和杜浚斌（右一）齊齊主持《新香蕉俱樂部》打出名堂，工作開始愈來愈多，圖左為○九年合照。 2010 一○年初開始主持《兄弟幫》，幾年下來，近九百集，已成為J2的王牌節目，也為阿Bob（左一）帶來更多的知名度。 2012 一二年十二月，首次參演劇集《老表，你好嘢》。「老實講，呢套劇之後，我喺出面接job嘅價錢靚咗，個位又好咗，有啲活動，甚至會畀間房我去ready，呢啲真係好感恩！」 一二年二月，《東周刊》送了他一個「掃四仔、蹨邪骨」的封面。「我嗰陣驚足一個禮拜，好驚我嘅演藝事業就咁玩完。不過真係好多謝黃生（《東周刊》副社長黃庭桄）！係佢畀呢個機會我知道，原來我已經係個公眾人物，要更加檢點自己嘅behavior，我會繼續努力?啦！黃生！」 2013 最新主持節目《街頭魔法王》，與（左起）泰臣、細細粒陳嘉佳和萬綺雯，四出玩魔術。 早前為《喜愛夜蒲3》拍攝船河戲份，跟多位三點式女子合照。 今年夏天，應《100毛》雜誌邀請，模仿《激戰》張家輝。 八月為淘寶網代言拍廣告，扮女人?婚紗亮相，重口味形象幾乎可以眦滅地球！