戀愛系：20歲出頭嘅男人 真係唔識咩叫拍拖

男人，幾時都係大細路咁長唔大，係真架！分別係，佢心入面嘅童真會幾時展現出嚟，當然隨時年紀，愈變得成熟穩重，自然會收埋收埋；但21至24歲剛大學畢業出嚟嘅男仔就可以話係「被分手重災區」，因為當女朋友出山接觸社會上其他上咗年紀嘅男士，就會發現身邊呢位20幾歲嘅男朋友，簡直係一場災難。外國論譠有人發起討論「每個女人都曾經有一個20幾歲時分手嘅男朋友」，果然有唔少人回應，不如睇下呢班天真男仔嘅「死因」啦。

唔重視女友家人

唔單止係講男仔自己嘅家人，係連女朋友嘅家人都唔重視，好多20幾歲嘅男仔掛住玩玩下，一講到「見家長」即刻耍手擰頭，仲會覺得陪女朋友屋企人係浪費時間，又唔識招呼佢哋，完全係極不成熟表現。

忽視女友嘅閨密

除咗女朋友家人之外，女朋友嘅身邊閨密亦係唔可以得罪，兼且要籠絡，可惜初出社會嘅年輕小伙子完全不暗此道理，每次話要一齊出去食飯、聯誼等活動就會推，表現得毫不重視女朋友嘅朋友咁。

超級大醋酲

好多年輕小伙子對女朋友好無信心，日夜都要Check住，一有其他男士接觸就起晒扛，完全係缺乏自信嘅表現，一啲都唔成熟，反而令女朋友覺得被管住而且好煩，長此落去點會唔飛你吖！

圖片來源：開片