戀愛系：過半數夫妻最常為錢爭拗！

戀愛系

所謂貧賤夫妻百事袞，無錢嘅夫妻就真係乜都可以嘈一餐，原來真係有根有據。澳洲早前有一個調查，訪問咗1,600多對Y世代（1980至2000年出生）嘅後生夫妻，有關二人嘅爭拗同頻率。結果得出嚟係發現，錢依然係夫妻最大嘅問題。成日話感情唔應該用錢去衡量，但事實上無錢，連感情都唔會有喎。

根據結果顯示，52%受訪者表示有頻繁為錢銀而爭拗，7%表示每星期都會嘈一次；16%係每兩星期。再睇睇其他年齡組群，X世代只有8%；「50後」更只有2%。面對金錢嘅爭拗，專家有以下建議：

分工合作

好多年輕年妻唔會對錢銀有特定嘅分工概念，可能大家搵錢大家使，或者決定每人會儲幾多就算；但其實要有人負責計住每日使費，有人負責計稅或其他隱藏支出等等，總之大家要各司其職，咁先可以共同進退，唔會邊個怪邊個大使。

尋求專業幫助

好多時大家兩夫妻為錢銀嘈，其實並無實際幫助，最後只係傷咗和氣，又解決唔到問題，所以不知向專業人士求助，例如好多債務未還，就真係要考慮搵債務重組公司，真係唔夠錢要周轉，可以搵銀行，何必白白嘈呢。