戀愛系:過半數夫妻最常為錢爭拗!
![](https://s.yimg.com/ny/api/res/1.2/yQC4YpMC2MuT80jeS7OYTA--/YXBwaWQ9aGlnaGxhbmRlcjt3PTEyNDI7aD02Njk-/https://78.media.tumblr.com/5d6ef1bbd7ae4c1efaaa264e8b006f43/tumblr_inline_oyb7wr01UZ1tna4ac_1280.jpg)
所謂貧賤夫妻百事袞,無錢嘅夫妻就真係乜都可以嘈一餐,原來真係有根有據。澳洲早前有一個調查,訪問咗1,600多對Y世代(1980至2000年出生)嘅後生夫妻,有關二人嘅爭拗同頻率。結果得出嚟係發現,錢依然係夫妻最大嘅問題。成日話感情唔應該用錢去衡量,但事實上無錢,連感情都唔會有喎。
根據結果顯示,52%受訪者表示有頻繁為錢銀而爭拗,7%表示每星期都會嘈一次;16%係每兩星期。再睇睇其他年齡組群,X世代只有8%;「50後」更只有2%。面對金錢嘅爭拗,專家有以下建議:
分工合作
好多年輕年妻唔會對錢銀有特定嘅分工概念,可能大家搵錢大家使,或者決定每人會儲幾多就算;但其實要有人負責計住每日使費,有人負責計稅或其他隱藏支出等等,總之大家要各司其職,咁先可以共同進退,唔會邊個怪邊個大使。
尋求專業幫助
好多時大家兩夫妻為錢銀嘈,其實並無實際幫助,最後只係傷咗和氣,又解決唔到問題,所以不知向專業人士求助,例如好多債務未還,就真係要考慮搵債務重組公司,真係唔夠錢要周轉,可以搵銀行,何必白白嘈呢。