戀愛系：究竟情人節之後點賣花？網民有驚人答案

情人節向來都係放閃大好時機，向人曬恩愛絕對係趁此機會啦。不過呢，好多時曬恩愛都不外乎好現實，只要有錢，就一切好辦事。無錢點送花？無錢點去高級餐廳？無錢點送手袋首飾？所以每年情人節過後，男人們都元氣大傷。至於女士喇喎，放過閃之後，咪變返現實囉，唔知大家有無印象，其實每年喺二手買賣討論區都係好多女人喺情人節過後放售物品，就係二手花！將男士送嘅玫瑰，一過完情人節就轉售，仲有個好好聽嘅名「幸福傳承」！不過今日講嘅並唔係點賣二手花，而係花店點賣情人節賣唔出嘅花呢？有人話過「如何在2月15鎖售情人節賣剩的花」係一間知名企業嘅面試問題，測試大家嘅鎖售諗頭，以下幾個方案大家有無諗過呢？

減價

此為下下策，因為商品減價促銷會成為惡性循環，引起唔同商販嘅割價戰，係商場大忌，咁答，實唔得啦！

日日都係情人節

呢句咁老土嘅說話，其實都有其含意，即係代表唔一定情人節先送花，花，係可以隨時送嘅。不過如果一個男人情人節都唔送花，情人節翌日又點會送呢？

去學校賣花

一路都話，父母錢最易搵，有人話可以將花拎去學校門口，等小朋友買花送畀家長；此計甚妙，不過小朋友未必有咁多錢喺身呢！

機場賣花

呢個答案據講係當年拎最高分，就係花運去機場鎖售，因為好多人可能因為工作而錯過情人節，回到當地之後當然要買花送畀另一半，過一個遲來嘅情人節啦！