戀愛系：男人口口聲聲話要女漢子 咪又係講樣！

近年大家興起「女漢子」，即係非常男人頭嘅女生，有住麻甩嘅性格，主要特徵係不拘小節，為人豪爽，唔會好一般女仔咁小心眼及帶有防備意識。好多男人都話自己最鍾意就係女漢仔，仲話一定係非「港女」。實際上係點？近日有網友就上網呻，話自己女朋友好粗豪；例如喺人多嘅時候都講粗口，出街食飯極大聲講嘢，行路粗豪；總之覺得女朋友好失禮，一啲唔私文，覺得「唔想同佢出街」。事後引嚟唔少女網民批評，大家都話好多男人一方面就話鍾意女漢子，講到尾係因為人哋好樣啲，所以先包容到，否則一個唔靚嘅女漢仔，又點會吸引到異性先？咁究竟男人鍾意呢種女漢仔嘅原因係點呢？

性格鮮明

樣子娟好嘅女漢子係因為佢性格上竟然係如此「非女性化」，即係出乎男人意料之中；呢種咁衝突嘅性格係好令男人留下深刻印象，覺得呢個女仔與眾不同，從而激起男人天生鍾意爭奪與別不同嘅物件的決心。

易親近

男人好多時都好怕冷艷型女仔，即係好Cool又不苟言笑嘅女仔，除非本身好有自信嘅男仔啦，否則一般男仔都會避之則吉，懶得向高難度挑戰；呢個時候女漢子就反而令男人有貼地感，感覺對方好易接近，同聲同聲，更加放瞻去追求。

非麻煩生物

話你知，天下間所有男人都係怕麻煩，之所以喜歡女漢子，係因為喜歡呢種粗豪女生好似咩都唔計較，唔計較食，唔計較住；總之面對喜歡嘅嘢就一股作氣咁去喜歡；呢種性格嘅女仔，絕對可冧到唔少男人！