<情侶慘痛經歷> 有咩慘得過旅行先嚟M
男人，唔會明白女人嚟M有幾辛苦，但會明白有幾麻煩，因為⋯⋯你要照顧佢嘛！
平時去街，都可以即刻送佢返屋企，或者坐低唞唞，但有個情況，係會不知所措－就係去旅行撞正女朋友M到。
所有上山下海，水上活動，SPA按摩，都要好唔捨得咁取消，甚至痛到連酒店房都出唔到，寶貴嘅旅程計劃大亂，而呢個時候女朋友痛上加痛咁話：「最衰都係我⋯破壞咗成個行程⋯⋯」
就算人生幾無奈，都只能夠安慰佢，「唔緊要啦，妳休息陣先。」唔通你可以話「咁我自己去玩喇See you！Take Care啦！」咩⋯⋯
畢竟佢都唔想，埋怨佢都係於事無補，掉返轉如果係我病咗，我都未必可以好大方咁話：「妳自己去行街啦，唔使理我㗎喇⋯⋯」尢其我知佢實會一口答應，頭也不回，踏出酒店⋯⋯
經過一次慘痛經歷後，我以後計劃行程之餘，仲要計好日期，避免慘劇再次發生。點知有次同位女性朋友傾開，佢一句：「女人，係有方法搞掂。」
呢啲女人嘢，我唔係好識，於是好無知咁問：「吓⋯真係㗎？」
佢好直接咁拎排藥出嚟，我仲好唔識趣咁問：「咦，乜妳病咗咩？有冇事？」
佢好無奈咁話，唔係感冒藥嚟㗎，總之係啲可以如期去旅行，又令我舒服啲嘅藥啦！後尾我先知原來係避孕藥，即刻好緊張咁問：「有用嘅咩？怕唔怕㗎!？」
佢懶得理我，只係同我講，呢啲女人嘢你識條鐵咩！個樣使唔使咁驚訝？
佢見我個樣好擔心，先解釋話除咗可以控制到大姨媽大駕光臨之外，就連每個月嘅唔舒服都無埋。
仲叫我唔好好似佢老竇咁，咩都驚餐飽，食呢啲藥好平常，唔係一件好新奇嘅事，佢家姐結婚生仔之前都食咗好多年。
呢件事顯得我好無知。佢仲話，以後同男朋友嘅旅程免卻唔少煩惱，最正係心情同樣都靚咗！
女人嘅生理同心理，男人都未必可以完全明白，但我哋唔需要明，佢掛喺口邊嗰一句：「你都唔明我嘅」，其實只係想我哋付出少少嘅細心同關心，少少就夠。
更多相關文章：
