周末性趣
周末性趣：5大曳曳殺手 搞搞下都要停？
根據不成文規定，世界上有啲事情一律會被列為悲劇中嘅悲劇，例如好似係臨放大假之前比老細OT，出發去旅行之前打大風，儲夠錢買想心儀物品時發覺賣晒，不過有一樣相信大家都可能試過嘅，就係想曳曳但係臨門一腳被截糊，呢種悲劇嘅感覺真係難以用文字同言語形容，以下呢五大原因就可以話係最常見嘅曳曳殺手。
1.M come
當雙方都做好晒心理同生理準備，想進入正題嘅時候，女方唔合作嘅長輩大姨媽突然岀現，再無奈都要擇日再戰。
2.屋企人突然出現
如果是但一方係同家人同住，好多時都要等到屋企人唔喺度先可以開餐，不個最慘嘅係終於等到阿爸阿媽出咗去，細佬妹又突然之間返屋企， 呢個時候再唔想都惟有飲杯涼茶下下火。
3.突然肚痛
如果冇外界因素影響，但係自己或者另一半突然之間肚痛，都要被逼停賽，最慘嘅係明明見咗成日都冇事，一要埋牙就搞啲咁嘅嘢。
4.奪命追魂電話
如果你係工作狂，好有可能遇到個情況就係難得搵到時間可以同另一半享受二人時光，點知呢個時候老細、同事同個客就輪着打俾你，講得電話來分分鐘對方都瞓着咗。
5.不受控制的小孩
如果已經為人父母，就算想曳曳一樣都要等到小朋友瞓着咗，不過最慘嘅係如果小朋友好醒瞓，或者瞓唔着要走過來同你地一齊瞓，咁就真係唔使旨意搞啦。
