周末性趣
周末性趣：曳曳要睇時機 四個不宜Moment你要知
日常生活好多嘢都要睇時機，好似搵老細簽文件要睇時機， 求婚要睇時機，講嘢要睇時機，仲有一樣好重要嘅嘢都要睇時機，就係曳曳時，可能你會話曳曳最好時機咪就係兩個人情到濃時囉，不過幾情到濃時都好，記得係以下呢四個時候就要控制已經好控制自己， 如果唔係分分鐘得不償失。
1.攰
呢項始終都比較需要體力嘅運動，所以如果兩個人喺身體好攰同埋冇精神嘅情況之下進行，其實係好難有高潮嘅，而且係極度疲累嘅情況之下堅持要咁做，其實會有損健康。
2.酒後
雖然啲人成日都話酒後好易亂性， 不過事實上如果飲咗好多烈酒之後，男性嘅性能力係會減弱，而且酒後性行為亦都係導致猝死嘅一個好大嘅原因，所以如果想曳曳記得之前唔好飲太多酒啦。
3.病
人係有病嘅時候，身體嘅抵抗力比較差，而且敏感度亦都會比平時低，喺床上嘅表現自然都冇咁好， 而且兩個人咁親密好易將病菌傳染畀另一個。
4.半夜
半夜係人嘅身體機能要調節同休��嘅時候， 如果係呢個時候曳曳係會影響雙方嘅生理時鐘，而且亦都會令到大家係唔夠休息的情況下，影響工作效率。
