周末性趣：做為負責任嘅女伴 應虛心聽男人嘅慾望

隨著情人節嘅過去，《格雷》系列正式宣佈完結，相信呢個系列嘅書同戲對唔少女性朋友來講，都係一個好好嘅教材。拿拿拿，唔好即刻以為小編嘅意思係鼓勵大家係屋企整翻間red room ，一嚟香港地方咁細，仲要係香港整red room ，實在離地過個財政預算。二嚟，red room 嘅嘢，實在太講個人口味，對大部分情侶來講，都係無謂越級挑戰。不過，Anna係戲入面嘅進化，實在值得各位sis參考。

1.聆聽對方心願

Anna之所以可以排除萬難成為Christian 嘅the one ，最重要嘅係佢可以放低一開始嘅有色眼鏡去看待Christian 嘅床上愛好，主動鼓勵你嘅另一半同你分享佢對床上需要嘅欲望，然後分享你嘅睇法，絕對可以令佢更離不開你。

2.係床上放開自己

有睇過格雷系列嘅朋友，相信都會對入面嘅火辣床戲有深刻印象，Anna雖然平時斯斯文文，但係接觸Christian 之後，就開發咗佢係床上嘅另一面，佢唔介意係對方表現岀自己享受床上時刻，自然可以挑起對方更想進一步征服佢嘅慾望。

3.願意作不同嘗試

Christian 係red room 嘅需要可以話係床上以外，令佢同Anna 增添更多情趣嘅一個地方，而Anna願意踏出第一步同佢嘗試，亦係令Christian 更離不開佢嘅原因。當然，每個人嘅接受程度都唔同，所以大家可以嘗試同另一半試吓啲雙方都接受到嘅嘢先，可能係唔同嘅場地，又或者係唔同嘅姿勢，甚至係一齊玩sex toy，都一定會有新火花。

4.嘗試主導

Anna 係故事一開始嘅時候，難免俾到人一種純情小白兔嘅感覺，不過唔好以為男人淨係鍾意被動嘅小鳥依人，係床上佢地都會想見到女方狂野嘅一面，女士上到床不妨學習下Anna，嘗試主導一下，絕對可以令對方更欲罷不能。

圖片來源：spikyblr@tumblr