有心過編劇

早幾日謝安琪(Kay)喺IG打千字文，解說劇集《殭》入面刑活著(鄭嘉穎飾)同藍夢南(謝安琪飾)的身世背景，令觀眾更了解劇中角色的內心世界，網民都紛紛大讚阿Kay好有心！

見大家反應咁好，阿Kay近日又再打長文，今次集中講述藍夢南500年來的經歷，包括點樣認識藍黃紫紅(羅蘭飾)，仲有點解佢喺劇中多重失憶之謎。開始！

與藍黃紫紅之經歷︰

60年代，夢南有一次遇上不死人，成功逃脫後身受重傷，後遇到年輕時的藍黃紫紅醫生收留照顧，兩人自此成為好姊妹。但後來一次殭屍襲擊中，紫紅痛失愛女及女婿，夢南奮力救回其孫女藍夢瑤，但小瑤瑤受驚過度，心靈嚴重受創後患上失語症，夢南因此決心要搵方法變回正常人類，要成為佢兩人更好的依靠。

下頁Kay解構藍夢南如何當上法醫…

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk

延伸閱讀：

Call我吖！鄭嘉穎古代照叫雞

拆解《殭》十大謎團

如何當上法醫︰

阿Kay都好老實，話劇本其實冇交代夢南如何當上法醫，阿Kay就認為紫紅有感必須為夢南搵到人生意義、唔好浪費得來不易的人類身份，所以利用自己的人脈(紫紅本身亦係醫生)安排夢南就學，及後成為法醫。夢南能夠成為法醫，除咗有本身「一指靈」的特異功能輔助，佢本人冷靜而且心思縝密、對事物觀察入微；另外又待人親切，備受同事和助手的敬重，所以成為出色的法醫。

下頁睇Kay解釋藍夢南三重失憶之謎！

夢南第一重失憶︰

藍夢南500年以來都唔知道自己成為殭屍的過程，更加記唔起自己成為殭屍前，作為人類嗰29年的記憶 (阿Kay話呢一點係全劇一個重要的謎，所以唔開估住。)

夢南第二重失憶︰

十多年前夢南與藍黃紫紅搵到Xenia及其家族，夢南飲咗泉水後變回人類，但同時記憶盡失，500年來作為殭屍的經歷化為烏有。呢個時候紫紅就作故事，話夢南係佢孫女，協助佢過正常人的生活。

第三重失憶︰

夢南飲咗泉水十多年後，藥力漸漸失效，殭屍特性慢慢重現，並喺刑活著協助下戒除人血血癮，暫時以動物血代替。不過此舉帶來副作用，每當月圓之夜，夢南被月光照射後就會短暫失憶，退回初初同活著表白的時候。不單唔記得自己係殭屍、活著係不死人，更加唔記得活著已經拒絕佢嘅愛。所以每當失憶之夜，夢南都會傻傻跑到活著面前再次示愛，令活著大感不惑。自此夢南安裝拍攝鏡頭查明真相，真相除令佢非常痛苦，也亦令活著痛心。

直至早前一集全城大停電，活著擔心夢南太耐冇飲血而殭屍病發，便帶佢去寵物診所。活著以一吻餵夢南飲血，呢一個血吻令夢南的殭屍症狀平復，但同時夢南亦回復清醒，唔再失憶，記起與活著係天敵，所以佢痛苦地離去，回歸孤獨。

全文完

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk