港女講日：唔好得罪女人! 日本女生報復前男友之必殺絕技

4度獲得AKB48總選冠軍嘅HKT48成員指原莉乃，向來冇偶像包袱，有嗰句講嗰句，講咸濕笑話又唔尷尬，唔做作嘅個性令人氣繼續高企。

佢主持嘅節目《指原莉乃＆ブラマヨの恋するサイテー男総選挙》，內容主要圍繞男女關係，早前節目上有男嘉賓分享自己嘅戀愛史，概嘆自己25歲時遇上女友一腳踏三船，仲回想起捉姦情境，走入女友屋企發現奸夫同女友一齊喺浴室，點知最後發現自己係「第3號愛人」，惟有即刻分手。

以為指原會同情男嘉賓遭遇?錯喇，佢即刻鬧所有男人「點解自己偷食就得，唔可以原諒女友偷食?如果我男友有外遇，我會出軌報復佢!」

講到報復，女人嘅報復心好強，就算唔係被背叛，可能只係感情不合分手，女人唔多唔少介意「被飛」，以下都係幾種報復前度嘅常用招數，唔係嚴重到要殺人放火，但就可以令自己feel so good:

1. 瘦身扮靚
好一個積極樂觀嘅報復方法，一齊時嫌我肥嫌我著得肉酸呀，好啦，姐而家係索女一名，後悔嘛?

2. 放閃
上載與其他男人約會嘅相，記得caption加啲類似「幸福會遲到，但不會缺席」等至理名言，串吓ex都好。

3. 取笑前度短處
如果EX係矮仔，當然要打句「yeah，終於可以著高踭鞋!」仲要記得tag埋新男友…

雖然呢啲「小報復」會為你帶嚟短暫快感，但淨係掛住向前度證明自己有幾好，證明你根本冇走出前度陰影，最好嘅報復方法，係「令自己變得更好」，同自己交代就好了。

圖片來源
https://twitter.com/345__chan