雅虎香港新聞 周子瑜、允兒齊齊素顏，網友：「子瑜比允兒還要老啊！」
韓國女神TWICE成員周子瑜向來都美美的，19歲嘅周子瑜亦從來都唔怕素顏上鏡，仲時不時自拍素顏樣，睇嚟佢對自己都信心滿滿啊！不過最近周子瑜就幫TWICE拍攝了一段短片，慶祝Twitter成立12周年，片中見到周子瑜大方地以全素顏入鏡，卻引起網民熱話！
周子瑜上年就力壓多位靚女勁敵，包括曾拿下第一美嘅NANA、迪麗熱巴等美人，被選為2017最美臉孔第三名，真係靚爆鏡架，不過今次嘅素顏短片就引嚟網民mean精上身：「子瑜無咗條眉」、「子瑜殘咗好」。
影片中嘅周子瑜身穿卡其色嘅風褸，素顏嘅佢被眼厲嘅網民發現，佢嘅後半截眉毛又淺又淡色，幾乎消失晒啊！不過粉絲們都依然大讚周子瑜好靚女、皮膚超好。
面對無眉娘嘅事件，有粉絲就為周子瑜抱不平：「係咪JYP惡整周子瑜」、「做咩淡妝都唔上要周子瑜拍片」、「根本就係惡整」。
不過都有網民話周子瑜個樣好攰，心痛死寶寶，又話周子瑜好似老咗十年，亞洲第一美嘅地位唔通不保？！
不過其實周子瑜向來都喜歡素顏影相，皮膚又白又滑，今次亦只係條眉出事，樣貌依然標緻又靚女，素顏都好似周子瑜咁高質素，好難得架喇！
一過今次周子瑜素顏事件，就有人將佢同少女時代嘅允兒比較喇。同樣係隊中門面擔當嘅允兒，亦都經常素顏見人架，仲不時鬼馬地拍片，皮膚超好嘅允兒完全唔怕素顏見人，不過mean網友就拎 周子瑜嘅素顏同允兒嘅素顏做比較，仲話周子瑜個樣老過、殘過允兒，睇嚟要好好護膚啦！
女神嘅魅力真係沒法擋啊！喺現實中見過允兒素顏嘅人都大讚佢真係靚到識發光咁。
好友金希澈就曾經發文講過：「允兒，這女孩有著異乎尋常的『美麗:態度』完美比例，還有著素顏比化妝時還美的臉蛋。她是我看過最美麗的明星⋯⋯」。
允兒真係少有素顏比化妝美嘅女藝人，好有氣質啊！
短髮嘅允兒就更加有個性，美美的樣子同超好嘅皮膚，令人好羨慕啊！
前往瀏覽完整內容:
