雅虎香港新聞 旅遊關公
明明識讀但唔識解？ 10個日本超實用漢字
去日本，好多人唔識日文，都可靠漢字，估到大約意思。但當中總有啲漢字，明明隻隻字都識讀，但拼埋一齊就變成古怪嘅詞語，有時白撞完真係得啖笑。預期下下都上網Check，不如用心記住佢？小編今次揀咗十個常見、但睇完都唔明嘅漢字出來，等大家唔洗再估估下。
1. 注文
即係「點餐」，通常大家係餐廳或者係自動售賣機會見到，「注文いいですか？」chuumon i ide su ka，即係問可���點餐嗎？
2. 藥味
藥味拉麵呢個名好熟悉，唔係話用中藥煮面呀，而碗麵加咗日本人認為有藥味嘅青菜類，例如蔥、薑、大蒜、蘿蔔泥等等。
3. 替玉
「玉」，可能大家會諗起玉子，但當你充滿期待咁加錢揀咗替玉之後，你會發現拉面上面一塊玉子都無，但反而多咗拉面。無錯啦！替玉意思即係加底。
4. 仕度中
「仕度中」會係餐廳門口個牌上面見到，意思係準備中，要食嘅就等一等啦！
5. 德用
血拼要注意嘅漢字「德用」，通常係店舖門口嘅poster見到，即係sell緊自己舖頭賣野又平又多，平靚正咁解。
6. 格安
大家都識「激安之殿堂」，當中嘅「激安」即係激平咁解，而「格安」無「激安」咁平，但總算比正價平啦！
7. 両替
去到日本唔夠YEN用點算？唔洗驚！見到「両替」就記得入去唱錢啦！
8. 献立
入住溫泉酒店或傳統日本料理店要注意，「献立」即係上菜嘅次序。
9. 切符
「切符」即係所有飛嘅統稱，例如車飛、入場劵等等。
10. 精算
「精算」唔好以為係計數機，而係地鐵站入面買飛、增值嘅機。
相片來源：inefekt69 ＠tumblr
