雅虎香港新聞 
「10億咪神」黃文意性感圖輯
48歲唐文龍挑戰《溏心風暴3》渣男角色，人氣再度急升。曾自認單身嘅佢，原來與25歲「10億咪神」黃文意暗撻半年，並曾喺網上傳情洩「蜜」，不過唐文龍就拒認追求黃文意，只話同對方正「從相處開始發展」，但就勁讚黃文意係好女仔，好有智慧，喺美國長大兼讀書嘅佢仲話：「最重要英文好叻」！其實擁有「10億咪神」稱號嘅佢又點止咁少優點！
撰文：東方新地
部份相片提供：Bubble Monthly
延伸閱讀：
黃文意 有個富爸爸
童星出身嘅黃文意現年25歲，不單樣子童顏，仲擁有36D逼爆身材，成功在《3日2夜》彈起，更重要嘅係佢有個被稱為內地「LED燈大王」嘅富爸爸黃裕發，傳聞身家超過十億！黃文意6歲開始拍劇，作品不算太多，因為佢9歲就離開香港到英國貴族私立學校讀書，但大家對佢《天地豪情》嘅演出一定有印象。佢喺《3日2夜》中泥漿浴一幕更成為熱話，佢亦曾經聲稱自己推咗200萬人民幣嘅飯局（200萬原來對佢嚟講簡直濕濕碎）。
唐文龍：情人節未有人約
唐文龍同黃文意除咗被影到去尖沙咀撐枱腳，去年11月唐文龍生日，兩人到大嶼山慶生，黃文意曾錯手po出與唐文龍sweet合照，隨後立即刪除。日前黃文意換新髮型，唐文龍更留言大讚女友：「女神焗油都幾好睇！俾心機 ～有男版焗油嗎？」而Mandy則冧爆回應：「有㗎！有『CEO焗油』㗎！」不過本刊記者問到唐文龍兩人係咪拍緊拖？唐文龍就話佢哋依家只係朋友，仲話自己情人節未有人約！
記：記者 唐：唐文龍
記：畀人影到你同黃文意拍拖喎！
唐：啲相係幾個月前影啦。
記：係咪同黃文意拍緊拖？
唐：我哋係朋友。
記：覺得黃文意點？
唐：佢係好女仔，好有智慧，最重要英文好叻。
記：大家年紀相差23年，溝通有冇問題？
唐：溝通得好好，好啱傾！
記：女方話你主動抄牌追佢？
唐：依家都冇話追求，依家拍拖係相處吓發展吓，從相處開始發展。
記：聽日情人節點慶祝？
唐：情人節都係一個人過，都未有人約。
記：等黃文意約你？
唐：唔會啦，呢個時候，唔講咁多啦，多謝！
邊個好戲啲？AV蔡思貝你睇過未！
Stephy爭影后 方力申又抽水
延伸閱讀：
