「高潮」Seasun連環夾胸拋金句 港男阿龍插爆：有啲女仔好唔要面

【星島日報報道】「冇樓咪白撞」、「有樓有高潮」嘅金句都洗板好幾日，仲有輯疑似係「高潮」Seasun（鄧湤鉮）嘅性感相流出，近乎一絲不掛，就知Seasun幾咁火辣辣。昨晚首播嘅TVB真人騷《有樓萬事足》，終於睇到多啲Seasun嘅片段，無論睇樓、整甜品、做首飾Model，通通拋胸上陣，打大個心口任睇，條裙有咁短得咁短。賣弄性感嘅Seasun，真係自信爆棚，不過網民就O晒嘴「做咩啫佢？」、「冇錢買布？」 在節目中，Seasun自爆曾與任職測量的愛爾蘭男友拍咗好幾年拖，到談婚論嫁階段時，先驚覺文化大不同。知道女方包辦婚禮開支、買樓，覺得離譜嘅Seasun亦似乎因錢銀斬情根。之後，製作單位安排Seasun去Dream house，亦即係何文田過千呎舊樓，當經紀指「1千萬首期就買到」，Seasun理所當然地說：「錢唔係問題，又唔係我畀。」好野多人搶，亦係Seasun的對成功男士嘅睇法，對住婚姻亦有自我一套觀點：「唔好嘅，送都唔要，香港法律係一夫一妻制，我係合法太太，始終有保障。」言下之意，正印老婆分老公身家都分得理所當然？ 除了將愛情比喻成「公猴愛洞穴」論，繼而俾網民鬧膚淺的Seasun，在節目中表現出淑女的一面，擠出事業線整甜品，語出驚人的她又拋金句：「等佢食完晚餐最後一道菜嘅時候，我就捧住個蛋糕問佢，你要個Dessert定要我呢？」 聽過Seasun的「偉論」，節目安排一位28歲、名叫「阿龍」的音響公司老闆道出部份男士的心聲，佢就話：「我覺得有啲女仔好唔要面，阿姐！依家咩年代吖？男人一定要包養女人？」

睇更多